我係唔係做錯左???唔該,,,幫幫我

其實恭喜你就真,因為都已經有第三者啦,仲留戀嚟做乜喎.
仲有佢都已經唔鍾意你,你都無謂再花心機响呢個人度啦
希望你可以盡快忘記呢個人

首先,你冇做錯
第3者??即係佢同果個人一齊緊??
anyway,如果係咁ge話,你同佢講分手好正常wo!
而且最重要係佢話:"好"
咁即係佢都唔係好care你同佢呢段關係啦
既然你當初已經因為多次失望而同佢講分手,
此時此刻又何必再中番個頭埋去呢?
比你同番佢一齊,你打算點?
如果你都唔肯定自己可以忍到佢同第3者一齊,咁仲咩仲搵佢呢?
打電話俾佢...你係想要求復合嗎?

根本由第一步你就諗錯左,明明你冇錯,但由字裡行間見到你好後悔咁
其實唔需要呀,黎到呢一步,都係消灑d好
無謂搞到自己低曬

雖然係難,但係放棄呢般感情,對你黎講可黎係出路呢

哎呀, 小妹妹呀, 拍拖唔係一切, 為下你既學業著想好過啦,
成日諗埋呢d咁無聊既野架~~ 你同佢好可能連愛係咩都唔知呀....
第一, 玩咋嘛~~ 咁社交圈子中梗係有異性架啦.... 有咩出奇喎??!!
玩就代表d咩呀?? 果個女仔係醜既話, 你會驚佢搶你bf呀??
你既然覺得佢唔好, 你不妨直接同佢講囉, 佢都係咁,
你忍唔到, 就唔好忍啦, 我覺得你同佢講分手係正確既~~
完全冇錯誤, 你都唔開心, 點解仲同佢一齊呢~~
咁當然我認為你唔應該打番比佢, 因為佢連分手都咁冷淡,
佢根本就唔重視呢段感情, 一個唔好既男仔, 要黎仲咩呀???
搵個好既好過啦, 而且係你提出分手架, 唔好咁衰女打番比佢呀.....
打番比佢, 衰過地底泥呀~~ 果個男仔日後會點對你呀??
會待你比而家好呀?? 未又係同果個第三者玩, 更加唔洗理你既感受呀....
所以同佢分手, 唔打番比佢, 唔再彩佢, 係正確既~~

其實閣下真係無做錯! 如果見到佢同第三者一齊都唔出聲,佢可能遲早都係佢開口先,咁即係結果係佢飛閣下先定係閣下開口先o既問題! 所以唔應該再打電話比佢啦,反正佢都say no咗!

不如你試下打返比佢....寫你唔應該因為d小事分手
但係希望你唔好成日講你其他男朋友...我會好hard架...希望你可以原諒返我(差唔多咁啦)
其實你唔應該一句分手就算~~應該講多d點解想分手
(仲有你係真係想分手定係比d壓力佢...?)

你係女仔呀可??
我覺得你冇做錯...
你話分手佢咁爽快證明佢唔愛你啦...
佢同第二個玩可能想激走你咋...
唔好比佢睇死...
一定要比人知道你有人追...

ｐ．s如果你係男仔都係咁講啦～

你係男係女呀?!?! 不過點都好啦, 打條春咩, 講完都仲係咁, 即係唔尊重你/妳啦, 講多嘥氣

有第三者你提出分手仍然覺得自己做錯?

如果佢知道要分手既反應都咁冷淡....

你認為佢有幾緊張你地呢段關係呢?

睇清楚自己的位置

有時候短暫痛總好比長期做傻瓜好!

GOOD LUCK

其實你冇做錯
男人就係咁花心
你衣家一刀兩斷仲好