解不開的問題??

雖然我唔係果個男仔, 但係要我想既話,
我認為佢係避你~~
1. 但我唔覺得佢有避她?佢係唔係感覺到我鍾意左佢?
第一個可能性, 好可能係因為果個男仔真係鐘意果個她,
所以因為果個她感覺到你like個男仔,又或者你成日好happy咁同果男仔傾談,
果個女仔唔鐘意, 所以叫個男仔唔好同你咁熟咁傾,
所以果男仔就唔避果個女仔但避你啦.....費事佢鐘意既女仔誤會嘛~~
第二個可能性, 果個男仔扮野囉, 佢feel到你開始鐘意佢啦, 佢未係度玩野囉,
扮溝女王囉, 所以就扮下野, 引你上釣~~

2. 佢係唔係好唔鍾意我? 我現家可以點做呢?
我覺得佢可能係扮野囉, 咁如果佢係咁既人, 你都唔好再鐘意佢啦,
但係佢真係因為果個女仔而避你呢~~ 你可以做d野令佢鐘意你既~~
咁你首先就要知道佢係鐘意咩女仔啦, 咁你未做佢鐘意做既野囉,
咁做得多啦, 知你關心佢啦, 可能佢反而鐘意你呢~~

3. 我好想知發生咩事令佢對我的態度唔同左?
好明顯係你去教會啦, 咁比個女仔知道左, 就有事啦.....
個女仔feel到, 話比個男仔聽佢唔鐘意咁,
而且你仲要問埋個男仔果個女仔係唔係佢女友喎~~ 咁個男仔都會自己諗架嘛,
咁未覺得你真係為左佢而去教會囉, 所以個男仔就避你啦.....
本身係msn同生日既時候食飯, 個女仔都唔一定知嘛~~
而且生日喎, 約朋友食餐飯係好正常既事, 一年得果一次, 都唔係d咩事,
但係連教會都因佢而去, 咁大家會諗發生咩事啦, 點解個男仔唔直接問你,
可能因為果個女仔既問題, 又或者佢自己都feel~~

我認為你要諗下你係唔係因為佢而返教會先至得呀....
因為你自己話係因為佢先至返既, 人地又點會唔係咁諗呢,
同你相處得多, 就知你係唔係真係信教啦, 你係真係信既,
咁轉去第二度信啦, 唔洗再同佢地一齊啦, 一齊未只會令佢地亂諗,
得閒先至返去佢地果個啦, 唔係信既, 都唔好一齊返啦,
人地知架嘛~~ 咁你可以多d做d果個男仔鐘意既野,
咁可能果個男仔會feel到而鐘意你, 希望幫到你啦......