我想問下邊度有比較大碼女仔d既鞋買?

我有以下資料提供：

1) 尖沙咀百利：
裡面有好多賣鞋o既( 訂造都有 )，但係二樓都會有d賣現貨o架 ! 萬一揀唔o岩，都可以落地下d訂造道，因為佢地d版都會賣o架 ! 話明訂造，一定會有大碼鞋版o架 !
(如果d個方案可行，仲有旺角家樂坊，銅鑼灣蘋果商場)

2) 旺角中心：
我唔肯定二樓定三樓(不過一定有)，上到去最大間，對面賣耳環o個間就係o架喇 !
(唔好意思 ! 地址有d唔確定，勞煩你要搵一搵，望一望喇 !)

3) 尖沙咀加連威老道：
你o係漆咸道o個邊入去o既話，就要靠右面街行，有間全間白色o既鞋舖o架 !
(成條街得一間白色裝修o既鞋舖o架咋 ! )

4) 銅鑼灣霎東街：
佢係樓上舖o黎o架 ! 你只要o係TIME SQAURE望過cher對面，佢就o係意粉屋對面，同意大利站樓上，佢貼住造鞋造袋o架 ! 你唔洗理佢，照上去啦 !
因為佢真係有好多大碼鞋o架 ! 現貨又有，鞋版又有o添 !

5) 旺角銀行中心商場：
佢係o係山東街o個頭搬過去o架 ! 不過佢搬jor之後，我都未得閒去過，SO，你要
入去巢巢喇 ! 佢真皮同PU都有o架 !

頭先比你o既資料，你都可以去睇下o岩唔o岩。
不過如果你係主力搵返工鞋o既話，你可以去銅鑼灣霎東街o個間睇下先，
因為我平時見佢有好多OL客o架 ! 而且佢大部份o既款都係比較似返工多o架 !
o敢但係佢o羊款都有d o架 !

希望以上資料可以幫到你啦 !

2007-01-31 16:01:48 補充：
Marks & Spencer 雖然都會有，但係衰在冇乜款揀之餘，d 款仲要好薯o添 ! 而最重要o既都係，佢地d 鞋真係好重o架 ! 行多兩步，我已經覺得好累，所以著落唔舒服囉 !

非常清楚~
good!

hi,

可去walker Shop ,Cat ,吉之島,千色店都有.但不知您要什麼款色.

其實現很多女仔的腳都是這麼大,所以現女裝鞋都越出越大了.我都是其中一個.

希望幫到您.

Try to get from Marks&Spencer