有冇人有左3個月都冇睇過e生????

其實一知道有左, 就要做定期檢查, 一來大吉利是萬一胎兒或媽媽有咩問題, 可以盡量及早check到而找尋解決方法, 二來胎兒成長同媽媽身體狀況係會互相影響, 例如有些媽咪可能會血壓高, 妊娠糖尿, 胎兒過小/過大等等, 醫生都會為你作出最適當的調節, 例如會提供營養餐單等, 以便令你及bb都健康, 直至生產.

(大吉利是講句提提你) 香港法例嚮胎兒24周之前係可以做人工流產 - 我所指的當然[不是]鼓勵人做, 而是如你及早檢查, 萬一醫生check到胎兒有任何問題, 或媽媽身體狀況不適合繼續懷孕, 就只可以在24周之前做中止懷孕, 而且越早做對媽媽的壞影響最少 (包括心理+生理).

快d去搵醫生詳細檢查下啦~

我第一胎時沒有經驗, 成三個月先開始去睇醫生.
基本上睇私家醫生, 同到政府醫院睇的流程差不多..
頭六個月要一個月去做一次產檢, 第一次產檢時間要耐一些, 因為要抽血, 主要驗四樣病; 地中海貧血, 愛滋, 德國麻疹和梅毒 (政府), 私家可能驗多d... 因為這幾樣對BB 的發育和媽媽健康影响至深... 公立醫院最少會做一次超聲波, 看看BB的發育是否合乎標準.
每次產檢要驗尿, 量血壓, 度肚和聽BB心跳, 私家就次次都會照超聲波...
到五個月左右, 會驗一次糖尿, 睇下孕婦有沒有因為懷孕賀尔蒙分泌變化而有糖尿病, 因為這會影响媽媽健康和BB的發育.
第七個月, 要兩星期去產檢一次, 第九個月要一星期一次
產檢是檢查媽媽和BB在懷孕期間的健康和成長變化, 因為當中兩者都有很多很多預期不到的健康問題發生, 預早發現對媽媽和BB, 都可以補救和修正過來...
我自己第二胎, BB到了八個月都未掉頭, 所以要入院觀察到生, 因為怕我會難產, 到時大人BB都會救唔到....有朋友, 做產檢時發現佢血壓突然超高, 現立即入院剖腹, 不然會爆血管(俗語中風); 又有朋友患懷孕性糖尿, 又要立即住院接受治療, 不然BB會保唔住.....
所以, 產檢很重要, 因為人人的體質不同, 平時健健康康的, 但懷孕時會有很多不可預知的變化...... 如我幾個朋友都是廿來歲, 平日無病無痛, 諗住後生, 應該無咩事.......
而且, 醫生護士會告訴你一些懷孕時要注意的地方, 以及給你解答不少疑問, 總好過自己估下估下...
生產時更有更多不可預計的事, 有產檢的紀錄, 幫到醫生又幫到孕婦和BB...
一定要做產檢.... 不太費時的, 是為了自己和BB的健康..

其實有咗個零月嘅時候,已估估吓,心神不定,不如搵醫生Check真D!可能開頭醫生都check唔到,不過聽吓醫生專業意見都好!