✔ 最佳答案
我之前係現代到做接待員,做左唔夠兩個月就走,我有四個朋友一齊去做,佢全部都請,但個個都做唔過三個月!因為佢公司既制度好有問題,做接待員正常係唔需要跑數架,但有D分店會迫你去跑,因為生意太差啦!如果跑唔到佢都唔會鬧你!但係假期個度佢會扣你或許係唔比你自已簡囉!仲有呀…做接待員係全公司最無地位架,你落booking唔夠多佢就鬧你,之後仲無得收工,一路打電話打到上滿booking為至!但我話你知喎,好多客係唔可以做booking比佢啦!唔係因為佢地有問題,而係因為佢地唔買野,剩係做之前買落既野,就算佢地泥都唔計生意額,所以如果你比佢地book咩!你就會比人鬧到傻呀!佢好好笑架,係有一大本簿去寫低好多客既號碼!係好似黃頁咁架!你仲覺得可以去做咩?仲有佢個度D人真係好假,成日係你面前同你FD,背後就想你死,仲要係個個高層都係咁,佢係有八千五人工呀!但只係先頭幾個月,之後就要計勤工呀,公司過關呀,好多好多既獎金加埋先有而個人工,仲有呀,佢唔可以請假啦!如果一請假,病假有醫生紙都好啦,你既勤工就無啦,之後仲有好多好多既衰野我都講唔曬!你諗下,我個時每個月都見到有人辭工架,仲要係一D年資長既人,經理又走,接侍員li打又走,總之不斷有人走,我個li打個時係度做左七年啦!升到最高級都要走!所以呢!你諗下而間公司係幾唔得人心,幾有問題呢!我勸你都係唔好去做啦,費時之後自已一肚氣,其實而家好多美容院都請接待啦!我建議你去一D細美容院度做,人際關系無咁複雜,又唔洗咁大壓力。