請問我件tee (v 領), 個領 wea o左, 應如何處理?

wea左就無得救...
唔只洗得多會wea ge
拉扯得多又或者係本身件衫ge質地差都有影響
而家wea左呢件就只好當係佢個style 啦
費事眼冤ge話就丟左佢買過件新ge
當買個教訓
以後買衫要買d質地好d
試衫時衰d都可以試下扯住一段領,約一寸到啦,慢慢咁越扯越大力,睇下鬆開之後有無即刻wea
有就緊係唔好買啦,無ge話就叫佢比件新ge你
如果件衫會wea而你又真係好鍾意個件衫,唯有叫佢比件新ge你
洗衫ge時候就用手洗
不過洗完之後唔好大力扭乾佢
放入洗衣袋再擺入洗衣機調校至脫水fing乾佢
晾衫ge時候唔好係個領度塞個衣架入去,避免要扯開個領位
可以將係下面放入去又或者係打摺件衫好似晾毛巾咁晾(不過收完衫要熨,如果唔係中間打横有條間)
如果你係放入洗衣機洗的話, 記住都係要入落洗衫袋, 避免纏住其他衫
著住件易wea ge衫時最好就唔好揹斜揹袋
用手挽袋又或者係背囊,咁樣就唔會 一路行一路扯住件衫
除衫ge時候又要盡量斯文d唔好夾梗塞個頭出去
最後就梗係盡量唔好比人扯住你件衫啦

^^