高達上色問題

支筆要洗係一回事，其實件作品要洗係眞嘅！不過係用少量洗潔精嚟洗，因為工業生產要用油及離模劑，製品表面未經處理就包裝出廠到您手，所以模型製作後就上色好易上漏色或唔上色，最好砌之前成排零件洗一次，到完成所有工序上色前再洗一次：砌之前唔駛講啦，出廠後直到你開封前都冇處理過，唔洗，好易連膠水都黐唔實，洗完個面就會冇咁光滑，不單製作上效果好Ｄ，連補灰、打磨及上色都易Ｄ。另上色前再洗次，因為之前製作經咁多工序實有多少污糟同自己Ｄ手油，所以最好洗多次！(唔駛好多洗潔精，但最好沖多幾次，因洗潔精同離模劑一樣會隔起油漆！)光油咁多人講我就唔講咯。另外畫線最好用相反性質嘅油漆，即你用水性油上色乾後用油性油畫線，咁出錯除可靠擦去出界之外重可用相反性質稀釋液擦甩，當然最重要小心，如果唔係點都可能擦起底油！

最好係用肥皂水洗下支新筆(而非洗架高達),目的係防止用筆上色時起泡。
消光油係一般模型舖都可以買到,噴罐裝,分半消光(semi-gloss)同全消光(flat),同一般噴罐一樣,同模型表面相距約20cm咁噴1-2層就足夠,過度消光會令表面形成一層白膜。
畫錯線可以用擦膠慢慢擦甩,亦可以用Gundam Marker既修改液抹甩,但如果你畫線前已經上左色,就唔以用沙膠擦,否則會擦甩d油,Gundam Marker修改液亦會抹甩d油,所以畫線時要好小心。