我想請問讀由香港生產力局舉辦的跨媒介創意插畫及數碼繪畫技巧文憑課程好不好？

我而家讀緊呀~ 不過未畢業呀, 所以都唔知出路好唔好, 不過可以分享下個course嘰資料嘰~

個課程主要分4期, 畫畫技巧有教Acrylic, Water color, Software就有教A.I., Photoshop, Expression, Painter (基本畫插畫可以用嘰野), 仲有教畫繪本, 簡單嘰animation, Character Design, 整figure etc.... 不過因為係part-time course, 所以每一種野學習嘰時間只有4-5堂。

成個course真係主力教插畫同character design, 除左點用software d 技巧上嘰野之外, 都會教少少點諗idea, 點表達主題, 點樣做插畫師。

我個人覺得師資唔錯, d miss同阿sir都係有料又有心教嘰, 好多畫畫技巧同software都會由頭教起, 不過一個part-time course你唔可以要求佢跟到足逐個教, 但係如果你係有心學, 主動d問野, 主動做多d功課, 就一定可以學到野~ (其實唔淨止係呢個course, 學每一樣野都應該要咁)

出路好唔好就真係唔知啦, 因為都要講你有冇心去做, 有冇天份~
不過阿sir同miss都話, 目前係香港來講, 做全職插畫師仍然係好難搵食, 可能都要浸返357年先有搵定嘰Freelance job, 可能都係一邊有份工, 一邊兼職做插畫師咁囉。

建議本身有design底或者有畫畫底嘰人讀會好d, 因為佢呢個course唔係教基本野, 係教點樣成為一個插畫師, 對有底嘰人學來講就係Bonus囉, 不過如果冇底嘰話就會比較難掌握, 除非好有天份或者好有興趣想學, 如果唔係初初未讀過design或者唔太熟手畫畫嘰會有d辛苦, 最好打好個根基先開始做囉, 因為個course都唔平呀.......$22,000(分4期俾)一年家.....

不過上堂都幾開心, 幾好玩~ (可能要睇d同學XDD)

而家香港好多插畫師, 其實都係讀design出身, 再加上自己好鐘意畫野, 因緣際遇之下先會成為插畫師, 單行呢條路始終唔太可行, 如果想係呢度發展我建議都係讀Poly, (我見上年grad個d人, 玩animation同插畫玩得好好), 咁grad show個時就可以專做呢一類topic, 會比較容易走向個條路。

而且插畫呢一樣野唔係單單只係技術, 好多係你個人風格, 你點樣睇野, 同埋你嘰經歷浸出來, 同做畫家/designer一樣, 唔係話讀完個course就已經做到家。

這位朋友，想問你快將完成數碼插畫師課程，老師教得好不好？學到嘢嗎？