男朋友要去澳門工作

我可以同你分享下我同我男朋友既經歷.. 我同我男朋友一齊已經有四年幾... 前幾個月因為工作既關係佢離開左香港, 只係間唔中先可以返黎一兩日.... 佢離開左之後, 我覺得好寂寞, 好孤單, 連生日佢都無返黎陪我過... 我覺得同佢既感情越黎越淡... 我仲成日諗, 佢仲愛唔愛我架?! 打親比佢佢都話唔得閒, 遲d先覆電話比我... 我有諗過提出分手, 唔想再拖.... 晌我同佢提出之前, 我有問過我d朋友, 佢地同我分析過之後, 我反醒左好耐... 我諗清楚究竟我真係愛佢丫, 定係同佢一齊只係一種習慣....... 到最後, 我知道原來我唔可以無左佢... 只有佢先會對我毫無條件咁付出... 我好坦白同佢講, 你返左去做野果陣我好悶, 佢話佢都明白, 但係為左事業無辦法, 只可以打多d返黎陪我傾計... 我地曾經都經歷過一段時間大家係無咩話題, 可以幾日都唔見... 但係而家我地又變返初初一齊咁, 有返果種甜蜜既感覺...
只要大家互相信任既話, 呢段時間好快會過去架.. 最緊要大家keep住有溝通.... 你要記住, 一個人要變起上黎, 就算佢留晌你身邊佢都會變.. 放鬆d啦..

你男友做咩工?係咪讀浸會大學?姓氏是否叫"馬XX"? 我唔知你男友係咪我認識個位朋友, 因為我都有個friend呢幾日去澳門工作, 如果你個男友真係我個位朋友, 睇下我幫唔幫到你啦

樓上講得有道理，千祈唔好聽人地講話飛人就飛人，你知架啦，香港賺錢係唔易架啦，就算佢起香港做野，好彩的話都要返五日半工，分分鐘日日要OT，其實都無乜時間去拍拖啦，加上佢有朋友有親戚要陪，你就體諒下佢啦.........每個星期有幾個鐘已經好好架啦.......佢去澳門做野可能係為左你和他的將來呢?? 如果佢一事無成賺唔到錢，卻大把時間陪你，你都覺得佢唔好啦.......你想佢有好好的事業丫定係成個裙腳仔痴住你啊?? 你要知道男人不是以愛情第一而是事業第一的.......小別勝新婚，可能你會更加珍惜同你男朋友的時間呢.......

哇…唔係嘛，用skype網上電話咪得囉，佢都要訓架嘛，訓覺時間，每日傾半小時至一小時，夠啦呱，開埋個cam都仲可以呀！再唔係，用3G，錄低佢自己既野，send比你又得！

我都成日出trip啦，我又唔信，訓覺時間都無呀，咪咪麼麼下，開住個腦，傾半粒鐘，頂唔順咪訓囉，除非佢話累到想死，每日做足16小時，只有15分鐘沖涼，30分鐘洗衫，15分鐘做所碎事，然係立即訓覺！【注意，頭髮唔吹，可以訓嗎？定每一日都唔駛洗頭？】，佢都仲有6.5小時訓，同你傾多半粒鐘電話，都有6小時訓，無得講大話！

就算話想要空間，咁都唔會日日都話要空間，每星期要空間，唔成立！我就算忙到返來香港，女友訓埋，我都會出sms，所以，根本唔成理由！

註：好好同佢傾下，話佢聽，你會擔心佢，佢成日出出入入，就算佢好獨立都好，出外報平安都要嘛！

2007-01-29 21:12:40 補充：
註：同意Octopus所講，你個人本身，都要做的野，兩個人之間，唔好剩係用語言溝通就算，個心都好重要，男人，好多都唔識講自己個心想點既！

2007-01-29 21:53:12 補充：
你唔想咁易發皮4，就多的自己搵節目囉，唔係下下都男友架嘛！你自己都有生活圈子架！想做到一個好女朋友，絕對唔易，但點為之好，點為之夠，好難定！你去學下野，上下堂，例如學：煮野食，咁佢返來咪等佢可以玩煮飯仔囉！咁煮的佢鍾意食既野，你地所追來既，都係一個將來既家既嘖，預先比佢睇到，你做緊啦，係佢唔係度時，你亦會照顧到自己之餘，仲會照顧到佢，即使現在及將來！至於，之後點改，要慢慢來，當你係佢心目中，越來越重要，你又比到佢既感覺，唔係管，係關心，佢就會無咁樣架啦，佢誤會你管佢嘖！

身處兩地都可以保持聯絡的
電話費貴的話可以選用 IP 電話服務，只要其中一邊設定好，
接電話那方不用更改任何設備，又可能降低大量通訊費用
也可以選擇MSN，現在的MSN可以視訊通話的，當然電腦要備有咪及I-CAM
另外，你也可以在放假的時候到澳門找他，澳門而已，又不是澳洲、奧地利

其實能否維持關係，要看相方是否有這個心力
就算他在香港工作，一樣要返5-6日工、要OT、要陪家人朋友，可能遲些又要進修
夜晚一樣會不夠精神，
給你的時間一樣不會太多
那你又怎樣過呢？

可以飛啦,happy喲

依啲男朋友可以飛架啦，如果唔係只會害你自己