持有港澳通行証,可否跟香港的旅行團,經香港機場出入境回大陸旅行???

可以, 我想那是你的大陸朋友或親戚吧, 你可代佢一齊報埋香港團, 香港旅行社絶對會受埋佢玩o既, 其實來港方法有二:

一. 你大陸的朋友先申請個通行證, 然後叫佢提前到港, 再同你一齊係香港join團, 但注意如佢於完團後隨團回港, 咁佢個通行證要最少兩次入境, 如果佢於完團後不會隨團回港, 咁通行證就一次入境就得啦, 但由於旅行團機票係包來回的, 你唔跟團返港的話, 回程機票當你自動放棄, 無得退錢, 一係就報joinland(即唔要來回機票), 然後自己買張單程的去程機票, 但咁樣好麻煩, 又要同個團夾航班, 時間, 而且單程機票又貴又唔化算, 所以建議都係申請兩次入境通行證, 隨團回港玩多兩日先走.

二. 你係旅行社報名時, 叫旅行社免費幫佢出張print out紙(約需3個工作天), 然後你朋友可憑該print out紙入香港境(可出發前最多逗留七天, 回港後亦最多逗留七天), 但注意唔理你用咩方法(郵遞, 掛號, 特快速遞, 親自俾佢........), 總之張print out紙一定要俾到佢, 唔係的話佢係來唔到香港, 而且只有一張, 切勿遺失.

額外一提, 新年去旅行最好買番份個人綜合旅遊保險, 因新年令舍多麻煩野, 但你大陸的朋友係唔可以係香港買保險的, 因此最好叫佢係大陸買左先!

祝旅行玩得開心安全又放心!

of course. you can! i also hold 港澳通行証 only. i have already gone to some places . and this coming Feb i will go to Beijing too. by the way, you should make sure that your permit is valid.
May you have a nice trip!