感情問題...遇上大男人....(請給我這女人多一點意見...)

我自己都有的大男人既主見，但唔知有無佢咁嚴重！

1) 我可以理解，佢點解咁問，因為唔只你嬲，佢都嬲，明嗎？

2) 暫時接受，如果真係過火，真係夾唔到，先再諗！

以呢個過程（你借人膊頭件事來睇計算），佢應該係個理性形既人，點解？因為你注重既，係你感受，佢注重既，係結果，你唔覺得重要，借人膊頭呢個過程，會帶出令佢誤解既後果，但係係佢眼中，佢就睇到個結果！

其實，只係一個飄亮的誤會，佢好關心你，好緊張你，你兩個只係一個要感性，一個要理性，只需每人做一半，行多一步！

你想佢改，就要等佢明白，唔好將事業上既處理方式，用係你身上，感情唔係公事，唔可以樣樣有得解，有羅輯，1 + 1 = 2咁簡單，除結果之外，過程都好重要，唔好樣樣以自己為中心點，要係佢自己既圈圈範圍，慢慢細細點細細點咁加上去，佢就會好的架啦，點解佢會咁？我以過來人同你講，係因為工作，係因為經歷，令佢要自我保護，將佢自己既圈子收窄，只相信自己既決定，亦好怕相信人地既決定，帶比佢自己接受唔到既感受！所以，佢其實內心係好姑獨，好空虛，只係無人識去理解佢，要理解佢，必需要佢信你，而你亦需要比佢知道，你有能力照顧到自己！佢其實都未必知自己點解會咁，無辦法，工作壓力，迫到咁既思想方式，每日最少8小時這樣，對嗎？做得不好，又怕自己家庭影響，又怕你與他將來之家影響！

所以，你即係要比你堅強既一面佢睇、聽、做三樣做哂，日子耐左，佢會對你既能力有所信任！

從心方面，男人，係鍾意聽架，屬於聽覺形，所以，你教要佢明白，即係教佢女人既感受，始終男同女既分別唔同呀！

你問佢：你敢唔敢答，你自己無做錯過？由頭到尾，雙方既問題，係咪只係係我（即係你）一個人身上？你要我尊重你，覺唔覺得，大家都應該付出多一D，好過而家令大家都唔好過？你係人，我都係，你有感受，我都有，大家一齊行多幾步，有苦一齊捱，有心事，大家都分享，我好可能唔會樣樣幫到你，但我一定係你最忠實既終身聽衆！

其實，女人種意人關心，男人都係，只係唔想比你知，原因係因為：一來唔想因為佢既事，令到你都煩，你亦未必幫到佢，所以費事講，收收埋埋係心，日積月累，咪攪到佢咁囉！

2007-01-29 18:03:05 補充：
佢大男人同very 要臉的性格係唔會change，佢成日都話: 我的性格係咁 【答：佢係咪完全無試過改？】如果，你地係想要將來，但又真係接受唔到，佢又唔願意改，就可以講聲bye bye啦，大家都係成年人，知道結果先係重要，拖亦無用，唔通忍到同佢結婚生埋仔，到果陣頂唔順先離婚咩？大吉利是咩！但以我睇，你個心未想完住，唔係就根本無需要問呢個問題，係咪？一個大男人，要佢改，唔容易，要完全改變佢，係可以，就係要佢【完全信心崩潰】，佢就會開始聽你講野啦！

2007-01-29 18:12:48 補充：
【答：因為覺得，愛係可以包容！】【答：因為改變，唔係要來計算多少！】【答：只係觀點與角度問題，當你認為唔值，咪會認為係盲目囉！】都係果句，大家價值觀唔能否平均到，改善唔到，長期嘗試過，都無辦法，咁仲等乜？你知唔知你會生存到幾多歲？人，要面對咁多uncertainty, 點解唔自己去爭取，要被動？但自己無控制到，但又怪點解發生係自己身上，你話係咪啦！？對唔住，forgive my language，想你醒醒嘖！做人糊途到咁上下，就要醒架啦！

由於世上沒有兩個人會擁有同一個思想，即是每個人都會有不同的思想。所以兩個人相處，相方都需要作出適當的改變（是適當，而不是盲目去改變。例如改變到迷失自我，便是盲目）。如果你認為不應改變自己去迎合他，那麼他又是否應該去改變自己來迎合你呢？
先不說你的行為是否令他沒瞼，但你有否想過他為何會大男人和這麼要臉？其實很多男性也是如此，他們的大男人性格主要是來自想保護身邊的人，而要臉則是因為他們覺得如果自己丟臉，會連同身邊的人也一起丟臉。你會喜歡你男朋友在別人面前丟瞼嗎？
如果你真的不想作出任何改變去和他相處，你就應先問問自己，可否接受到他的性格，及可否接受到雙方性格在相處時所帶出的問題。如果要改變，則要考慮所改變的地方是為雙方的幸福，還是其中一方的個人利益。最後決定，則要看看你的價值觀，例如這個男人是否值得你為他而改變？你對他的愛是否足以令你為他而改變？
個人認為，最重要的還是要先懂得珍惜兩個人相處的時間。
祝　幸福！

我覺得一定要自己諗清楚囉，終身大事黎家麻．

兩個人相處係好唔簡單既事，大家要互相體諒．

你覺得佢大男人，咁你要諗下自己係唔係小鳥伊人呢？就唔就到呢？如果唔得就真係要分啦！

你話你係好有己見、我行我素的女仔，咁佢會覺得呢個係優點還是缺點？佢又有冇就你呢？

不過我其實都有d野想講，我都覺得你咁做係有d令佢小小冇面；另外，我都唔係好明點解你會借0左人地的膊頭來流眼淚？我都係女仔，都會流淚，但我絕不會借除左男朋友之外既異性朋友既膊頭來流眼淚．同埋，如果唔開心，我會同男朋友講，因為我覺得佢係有責任分享大家開心和唔開心既事．並不是開心先講唔開心就自己收埋．

2007-01-29 16:55:41 補充：
千祈唔好要求／以為人地會為左你而改變，自己都唔好為了取悅對方而改變．

我自己見過好多大男人也是這樣~
開始時會百般遷就~
現因為了此小事~可看出他對你愛是怎樣~
見到你唔開心時~應第一時間安慰你~
問你為何事唔開心.......

你問~究竟應唔應該接受落去...?
因你們只相處半年~而你自己認為, 值不值得~再給他機會!!
但注意~給他機會等於~有機會hurt你多一次~
如果他肯改善~不是表面的功夫~都要經時間考驗~
這點你要好好~考慮&清楚~
我相信~以你性格~能作出判斷!!!

希望能解答你~

有兩個方法你可以做:

第一個方法,係最簡單同直接的方法,
但呢個方法可能日後你有機會後悔,所以要三思,
.....分開

第二個方法
呢個方法,係比較需要時間同考驗,
考驗雙方對呢段感情有幾投入同著重,
聽一些長輩常講,
兩夫妻相處之道,
在乎大家亙相体諒及尊重,
所謂"相見如賓",
如果大家都珍惜呢段感情,
理應互相体諒,
欣賞你愛的人所有優點,
不及你接納對方一個缺點,
人係無常的,要珍惜眼前人,
試問下自己:如果這是最後一次和對方相處,你會用什麼態度相處?有什麼是不可以原諒呢?

當然,無論拍拖定婚姻都一樣,
如果大家沒有一個共同目標,是很難走在一起,
就算一齊,始終都有分開的一天.

譬如,兩架車目的地不同,最終到了分叉路,都係要分開的.
但如果大家相信有共同目標,中間的快樂與不快樂只是一個過程,
如果人生未賞過苦的味道,又點會知道原來"甜"是這麼令人留戀及回未呢!

試下大家平心靜氣,座下傾傾,一定有所不同~

2007-01-30 09:05:08 補充：
睇左你個reply,我覺得你自己其實已經有一個決定,只不過欠缺一個人好明確咁比一個方向你去做.有時有d野並不一定係有"黑"同"白"之分,正所謂聖人都係有錯,關鍵你用邊一個標準去量度,我個人認為無需要,要自己痛苦地繼續維持一段感情,但試下cooldown 自己,然後抽身用第三者角度去重生看呢件事, 可能到時都係得啖笑....最後簡單來講,你覺得如果段感情係無野再值得你留戀,咁你知點做啦~~有的話,為左唔使自己再咁辛苦,咪同佢平心靜氣灘開來講~希望可以幫到你~

沒有人係十全十美的, 你可以唸一唸佢對你好的時候, 你地開心的片段, 有問題時候, 應該提出, 兩個人面對總好過一個人自己糊思亂想, 如果佢真係愛你的話, 我覺得佢會改.