生仔會嘔, 生女唔嘔......是否正確??

係, 我自己係一個好例子, 我陀BB個個都話我係生女多, 因為看到我係靚左, 面紅紅, 個肚係圓D, 係後面看係看不出既, 我fd陀BB成面豆豆, 又fat, 係後面看好似男人咁, 生出黎係仔
我初初都唔信, 因為未知係仔or女時, 呀媽話今之次又生女啦, 我話你又知 ?佢看到我無嘔到九彩, 看到好似無咩現象咁, 行路又見我唔係論盡, 哈, 我估唔到又生女啦 !!
呀媽話個肚尖係仔, 圓係女, so一看別人就知係生仔or女啦, 不過我看左好耐自己都看不出佢所話既要點, 完來係從則看既, 尖or圓既
我自己生左兩個都係女, 無嘔過, 仲要別人都看不出, 陀BB7個月買高跟鞋, d人都唔信我陀左7個月啦, 不過我自己就信老人家既經驗 因為我媽媽生左我後生我細佬, 之後再生我妹妹既, so一定唔會錯

你有冇去預約產前檢查?姑娘有講架ma！
我都有問佢呢個問題，佢話唔關事架，你同荷爾蒙有關。
荷爾蒙多，就會生好多粒粒，不過亦都話多係好嘅，因為助長胎兒嘅生長。

另外胃酸多，就有作嘔好辛苦嘅感覺。姑娘教我地要早上空肚就食塊餅乾，可以令多左嘅胃酸被餅乾吸引左，就會減少作嘔感。

2007-01-30 01:59:17 補充：
sorry , 係多左嘅胃酸被餅乾吸收左

其實有左BB嘔唔嘔,根本唔可以作為分男仔BB同女仔BB既標準~
好似自己為例,
初初有左頭2個月時,一D都唔嘔 --> [似生女?]
到左3個月開始就嘔到不得了 --> [似生男?]
但過左懷孕期16周,就一D都無再嘔,--> [似生女?]
皮膚一路仲好OK滑滑,豆豆瘡都無粒 --> [似生女?]
7個月時都只係多左個肚仔,其他地方如手腳等都無咩變過--> [似生女?]
好多時D人都唔知我左~

而我佗既係 "仔仔"喎~~

因為每個人既體質都唔同,好自然,懷孕時既表現都有D唔同啦~
而且最快同準,當然係照超聲波,最快12-15周已經可以知結果,根本唔使急呀~

唔係喎...我聽d人話係生女會嘔..生仔會暈喎

其實唔係架..生仔生女都有可能會嘔..係體質問題
頭暈都係..身體唔夠好...大肚時就會易d暈

不過呢...生女果d個樣真係會靚d架,生男就會連皮膚都粗d..
依d係因為荷爾蒙影響...最可信係依個

p.s.我媽生我時,由大肚嘔到生我前一day都重嘔緊
我生仔仔時..由2個月左右嘔到8個月...8個月打後就偶然會嘔

我有咗嗰時面腫腫,都有嘔,一d都無容光煥發,生嗰個係女

我諗冇咩關係,因為我生左一個女一個仔,陀既時候完全冇分別,又冇嘔,所以應該係根據個人體質既問題^^

我想唔係呱,我生兩個,兩個都係仔,都冇嘔過.至於辛苦,生大仔時一d辛苦都冇,行得走得,食得訓得,但小b時,可能都相差四年,年紀大了點,自然吃力點呱

呢d野邊有準則架...婦女懷孕嘔吐係正常現象..同生男生女無關的

唔多信, 我家姐陀住個女時, 嘔到七彩! 我自己陀住個仔時, 無乜點嘔!