過年前想買個安心 - 拎架車去比車房仔check - 價錢問題

1) 踩Brake時會發出"clock""clock"聲:
有可能係迫力碟花左或者迫力皮夠期, 如果迫力碟花左就要叫車房拆對碟出來拎去機器佬度 "缸碟", 張迫力碟表面花左既地方磨翻平佢. 一般來講 "缸碟" 機器佬會收 HK$100-200一隻, 但車房拆對碟出來個人工可能要 HK$300-800 不等, 視乎車種同 hub 頭結構而定.
而迫力皮, 一套原廠皮大約 HK$200-400 (淨頭皮 or 淨尾皮計), 人工 HK$50-100.

2.) 拎架車比車房check大約幾錢(唔計換零件)?
視乎 check D 乜同點 check 法, 如果就咁 check 下引擎、偈等膠、 膠邊有無漏油、避震杯士有無爛.....等等用肉眼可以 check 到既野, 一般車房唔會收你好貴, 一般三、兩佰搞掂, 熟既仲可能唔收錢 tim.
但如果要 check 電腦、對 error code、check 火位等, 就要視乎車種而定, 好難一概而論. check 親電腦坐底一千幾佰.

3.) 我架車對水撥生鏽(唔係接觸玻璃o個部份), 想自己換, 但係又唔知係邊道買, 如果比埋車房換連工包料大約幾錢?
全新既水撥骨出面好少有得賣, 一係你可以去錦田D湯房執, 一般 HK$100 一枝. 一係自已買支啞黑噴油 (約HK$25)噴幾浸. 其實拆出來噴都好易, 通常用 10號仔或 12 號仔扑頭就擰到出來, 我自已都係咁搞, 效果幾好.

你架是什麼車呀...我可以幫你嗎?
E-MAIL : [email protected]

其實二手車買返黎後應該check一次先好揸，包括檢查車底車架，換風格，換波箱油（一定要換原廠），換機油，換機油格，仲有清洗電子燃油噴咀等等，上述加埋一般收費為HK$1500左右！

大力踩Brake時發出怪聲，可能係Brake皮夠期，又或者隻brake dics拗o左，Brake皮用肉眼可以睇到仲有幾多，隻brake disc就要搵車房check！

水撥方面，如果唔要原廠貨，去一般汽車用品店都有得賣，有埋menu教你換，好似砌模型咁，好簡單！