我做過心理分析，我好恨我的爸，現在已發洩了大部份，但算是剩留了一部份....

睇佐你以上的一段話，我衷心地想幫你。

對於你對父母關係的陰影，我希望你唔好將你自己代入你媽媽的角色裏，你潛意識覺得所有男人都好似你阿爸咁，係衰人，男人沒有一個好東西，但係事實唔係咁，你唔應該咁諗，亦希望你唔好去咁諗，若果你繼續咁諗落去，我怕你將來沒有辦法對任何男人建立信心。

你上文提及「我爸是不負責任，與媽感情不佳，經常不回家的。」係呢件事上面，你爸爸做錯的只是不負責任，佢沒有盡他的努力去做一個好爸爸或一個好老公，係呢一點上面佢係唔岩，但他與你的媽媽感情不佳這一點，你要宏觀一點去睇，一對夫妻感情唔好，唔可以只怪任何一方，又或者我應該話雙方都要負起責任，感情係雙方面的，你上文已經提及過，他們的婚姻是「人有我有，年晚煎堆」型，當初雙方感情根基不夠穩固，勉強結婚，所以導致這個問題的出現。記住，唔好因為你恨一個人而令到自己不能冷靜地分析自己遇到的問題，咁樣只會令你的問題越黎越嚴重。

致於佢地成日都因為經濟吵架，呢個更加係一個香港社會家庭的普遍問題，香港經濟低迷，好多人都搵唔到野做，經濟難關對兩夫妻都做成經濟壓力，吵架亦難免。

聽佐我以上的見解，希望可以令你更加明白你父母婚姻所出現的問題的本質其實唔係因為你係咪遇到一個衰既男人，而係你選擇錯誤你的對像。就算你爸爸係一個好男人，除了不負責任一點之外，如果他與你媽媽的婚姻依然係「人有我有，年晚煎堆」型的話，他與你媽媽感情不佳的情況同樣會出現，另一方面，如果你爸爸係一個好人，但他抱著同一學識去面對這個社會，他亦會面對住同樣的經濟壓力，吵架一事亦難免。所以你唔需要因為你爸爸的情況而害怕所有男人，只要你小心選擇一個合適自己的對像，以上的問題便可以避免。所以你真係唔駛怕，亦唔好驚，亦唔好憎男人。
(當然，有個別男性係佢的性格上，處事上及各方面可能真係唔好，不過只要你睇清楚果個男人先開始同佢發展的話，就唔會有問題啦！反之，女性也有人會有性格上的缺憾，所以衰人呢個問題唔可以直接針對男性。)

係呢一刻，我唔讚成你同任何人拍拖住，你先要解決到你內心潛在的問題先，如果唔係你一直拍拖落去，跟住嚇走晒啲男人都無意思。

我聽你講，你同男性朋友做朋友時係無問題，開始拍拖果時先有問題，咁即係話你唔係完全驚男人(如果你真係驚男人，你連同男仔做朋友都做唔到)，所以你的問題只係害怕拍拖果種關係，害怕比人呃，比人hurt，如果係咁，教你一個方法，試試有無效。

由呢一刻開始，每次當你對住男仔想無名質疑，發火，莫名其妙的尖酸，扮高貴等等時，你乜都唔好做，唔好出聲，唔好鬧人，唔好發火，靜靜地攞一本薄仔出黎，寫低事發時間，發生咩事，有咩感覺，點解，寫完出黎之後，你會覺得舒服好多，跟住可繼續做你做緊的事。呢本薄仔好重要，你每一個月攞返出黎睇，睇返你無名發火等的次數，原因，對像等，做一個統計，經過幾個月之後，你會搵到你自己對某一些特別事的一些會有一些特別的負面感覺，例如，對某一些事你特別會質疑，聽到對某一些說話會特別無名火起，得到呢一啲的資料，將來你便知道自己為何會發火(你以為自己係無名發火，質疑，扮尖酸，其實係你缺乏佐安全感所以有呢個表現)，只要你知道原因之後，你便知道怎樣去處理你的問題，這對你和異性任致乎同性朋友相處會很有幫助。

只要你想解決問題，問題必能解決。放心！

P.S. 其實，一切源頭皆是「恨」，只要你能放下你「仇恨的心」，一切問題便能迎刃而解。

沒打算跟你說長篇大道理，
因為相信你在心理分析時已經聽了許多，
不過你要知道，
道理始終是道理，
懂了道理........只是讓你有一個藍圖，
讓你更容易的去掌握自己。
要解決問題，
始終要看你願不願意，
去付出時間、勇氣、和空間，
去實踐那種種道理，
讓自己學去成長，變得更好！

想要改變積習難返的性格，
是一件很困難和很漫長的事，
我也經歷過，所以我知道，
你要加油！

你要學會放低對男性的偏見，你憎你爸唔代表你要憎男人，試下用心對你身邊的人。少Ｄ質疑、發脾氣，睇多Ｄ人的好處，戀愛的時候要信任他，男性朋友你要當他是平常朋友，唔好故意保持遠「佢離」（同音），你會發現異性朋友的好處。

我知道講就易，做就難，但係都要盡量努力，成功與否就睇你啦！

放低偏見，唔好令自己討人嚴。

希望幫到你呀！