眼淺=小氣？

先唔好執著究竟眼淺係咪等於小氣. 我覺得哭係一種情緒的發洩, 若果你刻意去壓抑, 你會好辛苦, 同埋解決唔到問題. 過份壓抑, 總有一日會崩潰, 到時你就會好易患上抑鬱病. 我都好易喊, 我唔覺得有咩唔妥, 只在於你身邊的親友接唔接受. 有時對住唔熟的朋友, 我就會借故去廁所, 或低頭扮傷風.

你的問題係當有問題唔識解決時, 或解決唔到時, 你會控制唔到情緒. 我覺得你要去做多d義工或幫多d有需要的人, 擴闊d眼界, 睇多d書或電視, 睇下外面的世界有幾多人連食都食唔飽, 你就唔會下下都覺得自己好慘. 當有問題, 試下搵師長或朋友傾下, 尋求解決方法, 唔好自己鑽牛角尖. 哭係解決唔到問題.

你要明白天生我材必有用, 唔係每個人都咁叻, 咁聰明, 更加唔係每樣野都識, 唔識咪學咯, 人地學一個月, 我學三個月, 只要唔好同人比較, 總會找到自己的路. 唔係去忍住唔喊, 而係每樣野都要放開懷抱, 唔好咁執著, 令自己開心d, 唔好理人地咁多, 唔好理人地點諗你, 做自己認為正確的, 咁就會開心d. 人, 係為自己而活, 活得開心燦爛, 唔係為討好人而生存, 咁樣你會好辛苦.

你要同自己講, 我喊得有道理, 你地唔好理我. 有無聽過EQ,情感智商? 坊間有d減壓或提高EQ的課程, 得閒留意下.

希望幫到你

2007-01-29 20:37:15 補充：
硬係要咁執著, 係好多人眼中: 眼淺 = 小氣, 其實我覺得係唔啱既. 眼淺係心地善良, 好容易因小事易獨動心靈, 為其他人、事、物而傷心下淚。而小氣係心胸狹窄, 易生妒忌之心而去傷害人. 所以兩者係有分別的.

眼淺=易喊.
我都係禁..
俾人話2句就喊
你冇得控制