誰飾演「超人強戰回歸」中的超人?

「超人強戰回歸」中的超人

新一代超人班頓洛夫（Brandon Routh）係美國典型靚仔，連時裝設計師鄧達智都激讚，當然唔少得可以化腐朽為神奇CG特技做後盾，難怪呢趟超人回歸咁矚目啦！

新超人今年26歲

邊個話超人一定係靚仔？不過，電影世界，都係畀觀眾留番個美好回憶比較好，所以選角好緊要！講真，導演竟敢起用一位名不經傳的演員擔正，都算膽識過人。新超人名字叫班頓洛夫，今年只係26歲，導演話，就係因為佢冇大明星包袱，先可以帶畀觀眾耳目一新的感覺。對於新一代超人，導演有這樣的評價：「他像超人一樣，是個很有正義感的人。他的外表與超人非常相似，就像從漫畫書中跳出來一樣！」自認係超人迷的導演講到班頓洛夫咁正，各位超人Fans當然要拭目以待啦！

2億美元打造超現實世界

超人重現銀幕，各超人迷定對這部戲寄予厚望，所以片中每個場景都經過細心設計。為了令觀眾感到自己像置身超人的超現實世界，製作公司在澳洲的霍士片場建造了80多個場景，其中最值得留意包括一艘長達200呎的巨型游輪「Gertrude」；一個採用了水晶柱布置、結合沙漠和極地環境的超現實國度「新Krypton」、花了差不多一年時間設計和建造的「每日星球」大廈等，相信會令唔少超人迷大感驚喜。除了場景讓人期待之外，《超》片更是全球首部使用Genesis數碼攝影機拍攝的長片，觀眾的視覺享受又得到另一重保證。

電影故事

超人（班頓洛夫飾）突然消失於地球上，開始在宇宙間尋找屬於自己的故鄉—Krypton星……5年後，超人重返地球，發現這個星球和人類有了很大的轉變，人們似乎已經忘記了這位吒一時的英雄人物，女友Lois Lane更另結新歡，搞到超人都意志消沉，令他質疑身為超人的價值何在。不過，真正的強者總是在危難中誕生，當地球陷於毀滅邊緣，超人為保地球，再次展示出無比的勇氣……

Brandon Routh

http://en.wikipedia.org/wiki/Brandon_Routh