✔ 最佳答案
點樣男性化先?
如果妳只係比較喜歡著t-shirt 加牛仔褲既,其實都有唔少選擇,可以令到妳無咁男性化。
妳咁細個,所謂既小小肥只不過係baby fat,大個啲就唔會架喇。
有型又kawaii既選擇,我覺得妳可以去2% 或k2 (兩間都好似做緊big sale!)度揀衫同褲。褲方面,如要女性化一啲,可以選擇比較slim cut或直腳的款式,我都覺得有少少鬆身的款converse係非常舒服同好襯,但既然妳要改變一吓,就要放棄呢種選擇。今年興既連身工人短褲款式,我見街上面既女孩子都著得好有型同好好睇,妳都可以考慮一下。裡面只要襯一件粉色系或橫間的綿質t-shirt就會變得好女仔化!
如果妳唔抗拒著裙,牛仔短裙都係一個好襯又啱妳年紀既選擇。如果要型既,可以襯冷色系長袖衫再加件短身背心外套仔/baker褸。短裙仔加legging都係一個唔錯既選擇吖!
另外,就算妳既衣著唔變,只要配戴少量少女味一點的飾物,都會有相同效果。例如色彩繽紛既耳環/頸鏈...等。
希望提供的資料有用啦!
2007-01-28 15:13:02 補充:
睇漏咗要配埋髮型添~睇落去要女仔一啲,最好梗係長直髮啦,鐘意可以夾到直一直,有時又可以紮馬尾,如果妳塊面夠瘦仲可以偶然用電夾輕輕夾鬈佢!如果妳本身係短髮,比啲時間,留到中長度已經會變得女仔好多!!!!