現在去中國首都旅遊要注意什麼?要bring什麼

0個邊都己經好凍了, 大概3度至零下7度, 頸巾冷帽一定唔少得. 除此之外, 其他的禦寒物品都不可缺少, 如手套, 耳套, 厚襪, 冷頭套或口罩(如刮大風同涷時適用)等.

衣著方面, 上身只要穿件保暖內衣或羊毛內衣, 再穿件衛衣就可, 最重要都係外面穿件保暖的羽絨就ok了. 要注意的是千萬不要因怕涷就併命的穿, 什麼羊毛內衣, 保暖內衣, 羊毛冷衫, 抓毛大衣........統統著上身, 那是錯的. 因室內有暖氣的關係, 內面不宜穿太多, 特別是不容易除下的大衣, 冷衫, 更要避免.

下身方面, 裏面穿條虧佬褲, 外面再加條褲就己經好保暖, 當地人都係咁著, 我知道有些人為了保暖會穿對絲襪係裏面, 但我個人就唔係咁建議穿絲襪, 因成日好似有野拮住拮住, 好唔舒服, 亦唔健康, 因絲襪緊緊cool住隻腳, 會阻礙血液循環, 令隻腳更涷, 亦影響健康!

鞋方面, 你雙腳己做足了功夫, 因此其實你唔需要穿什麼特別的保暖鞋, 你只需穿粗坑少少的波鞋就可以了, 因有時街上有些由積水結成冰, 地面會比較冼, 你穿對防滑的波鞋會無咁容易跌親.

至於係邊度可買到平靚正羽絨, 除左赤柱同出口店外, 你可去觀塘, 因果度有好多開倉店, 又平又靚又正.

但我覺得唔使過份擔心, 北京雖然涷, 但未必係你想像中咁涷, 因北京的涷係干涷, 比起嶺南地方的濕涷, 感覺好好多, 反而因當地天氣干燥, 你要飲多d水, 帶多d潤膚露防止爆拆!

除潤膚露, 最好帶d平安藥, 兩腳扁咀插頭. 行萬里長城除要量力而為之外, 如天氣正下雨(甚至行雷閃電), 切勿使用手提電話, 還有, 由於萬里長城的圍柵不是很高, 因此影相時切勿走得太出, 免生意外.

而手信方面, 講真, 北京真係無咩食的手信好介紹, 就算有人話可買真空包裝的北京填鴨, 但我就覺得唔好食, 因北京填鴨始終要新鮮的才好食, 一包包果d完全兩回事, 肉又UN, 皮又腍, 好難食. 我個人認為, 寳樹堂的寳膚靈值得一買, 我之前用過, 真係超級好用, GOOD!

最好多帶錢
帶羽絨
在酒店有暖氣
要帶短袖
要帶補溼、防曬用品
在北京的東單、西單買普通款的大褸、羽絨不貴

因為天氣非常乾燥, 要帶潤膚霜and 面霜, 京都念慈菴潤喉糖

即係去北京啦...
- 所有證件, 機票, 及副本
- 相片數張
- 短 T 1 - 2件
- 長 T 3 - 4件
- 羽絨 1 件
- 鞋 1 對
- 內衣, 襪隨你意思
- 長褲 2 條
- 短褲 1 條
- 長內褲 1 條
- 冷帽, 頸巾, 手套, 耳笠
- 相機
- 紙筆
- MP3 等消閒野
- 平安藥
- 針線包
- 轉換插頭
- 黑超 / 帽
- 縮骨傘 / 雨褸
- 旅遊書 / 資料
- 鬚刨 (男)
- 女性用品 (女)
- 護膚品
- 少量手洗洗衣液 (用黎洗底 & 襪) 唔好帶洗粉!!! 洗衣店有得賣, 而且你帶"白粉", 自己諗啦