有冇人玩過o個個驚呼狂叫????

環球嘉年華個驚呼狂叫比海洋公園既跳樓機d離心力的確勁d,
不過我個人認為重點唔係離心力, 而係360度喪轉好辛苦...
我玩G-Force同跳樓機都覺得好正, 但玩完驚呼狂叫只係覺得好暈...
我差少少就嘔喇...

所以我覺得你如果真係要玩, 就問下自己頂唔頂得順係咁轉既遊戲,
我自問就頂唔順...我玩轉轉茶杯都會覺暈同唔舒服...
如果你覺得自己ok, 咁就勸你唔好食咁飽, 但又唔好乜都唔食去玩....

另外, 靈異火車我覺得一d都唔恐怖, 只係入面黑媽媽咁...
不過我認為d公仔手工好差, 整得好核突, 同大陸d cheap雞鬼屋差唔多...
真係唔可以用恐怖來形式, 只係樣衰, 核突...
同海洋公園全城哈佬喂d鬼屋相比間直就係大學同幼稚園程度咁大分別...
你如果玩過ocean park個halloween, 呢個直頭小兒科啦...唔洗一陣就玩完...\

另外, 建議你想排得快d玩多d就日頭去 (約15-20 mins 一個game)
但夜晚著晒燈就會靚好多, 不過排隊時間亦會至少多一至兩倍 (約40-45 mins一個game)

2007-02-02 17:40:05 補充：
其實個carnival入面d機動遊戲俾我o既感覺係 "又殘又舊" = =
發問者最後冇玩驚呼狂叫都係好事,
費事上到去覺得自己就黎會因機件故障而被拋出...(我玩時有此感覺)