算拒絕了我嗎??????????????

可能佢係度15,16緊呀..
其實女仔如果唔討厭又有少少好感, 會考慮個男仔對自己好唔好而再決定會唔會同個男仔一齊...
亦都要睇個女仔係咪好女仔...
何謂唔好既女仔? 就係一D係咁比希望你, 吊住你, 接受你既禮物和討好, 但從來唔會比你一個正印男友身份, 佢地既PHILOSOPHY OF LOVE好可能就係, '有人對自己好,有咩唔好姐?梗係MARK住先架啦!' 然後再見到另一個自己真係鍾意, 就會突然如人間蒸發般係你面前消失...
所以如果佢係一個好女仔...應該就係考慮緊呀...因為我覺得女仔係PASSIONATE LOVE既情況下係好直接既....
如果唔係既話, 情況並非如你想樂觀...
你要睇下應唔應該繼續追落去...
其實你係度估咁多, 你又真係立定心腸要知道答案又唔想浪費時間的話, 你不妨隔幾天真係直接問清楚, 如果佢應承你梗係好啦, 再係咁支吾以對唔肯答你既話,箇中原因自己知道....
如果繼續下去到頭來得個吉既, 又何必當初浪費時間?
祝你好運追到佢啦!!!

我同你個情況有八成相似,

如果個女仔唔係玩你既,

你已經成功左一半,

耐心再追, 千奇唔好急, 多d了解佢, 俾佢了解你, 盡量表現自己既優點。

我覺得你依家係佢眼中係好好好朋友同男女朋友之間
佢應該對你有好感
但又想了解你多D先開始
多D約佢出黎,多D傾下電話,msn啦
慢慢增加佢對你ga feel
祝你成功!!

我覺得佢咁講唔係拒絕你, 係想同你試下發展, 不過就仲要等多一陣, 先同你大家互相了解多d先, 所以佢無話你係佢男朋友, 佢話同埋佢而家只係想同你做住比好朋友好既朋友先.

你唔駛心急, 慢慢黎, 你已經有一個好既開始架啦, 祝你成功.

即係佢想同你做情人知己囉,不過係冇身體接觸果種關係,你可以繼續追佢架,我覺得她對你有好感,希望你可以點石成金啦

比好朋友好既朋友關係=男女朋友關係

姐係接受左你囉!!!