貓貓飲水?

Q: 貓貓飲水喉水好d,定飲熟水好d呢？

我覺得比煲過既水佢飲會好d, 安全至上, 未沸過既水會有細菌, 到時貓貓病左/ 生虫, 要睇醫生就唔好啦！除非水龍喉係安裝左"濾水器"咁就可以。
千祈唔好比熱水/ 暖水佢飲呀！一來：佢唔識分凍/ 熱, 會燙傷條脷, 二來：貓貓好怕食/ 飲熱野。只要比白開水佢飲就得啦！

據寵物店話應該俾貓貓飲水喉水,
讓佢能增加抵抗力, 如果不小心
貓貓飲咗污水, 就唔識抵抗.

不過我的貓貓係飲熟水.
因飲水喉水就肚痾.

我屋企六隻貓貓都係飲水喉水的 , 但我父親屋企隻貓貓就飲熟水 , 隻貓貓已經十六歲了 , 獸醫叫我哋比熟水隻貓貓飲 , 因為生水內會有些細菌 , 驚貓貓年紀大抵擋唔到D細菌 , 而引致肚瀉 , 如果你隻貓貓是 "年青力壯" 的話 , 其實飲水喉水便可以了 !!!!!!!

我三隻喵喵都係飲水喉水的!!

當然...如果你o個d幾千蚊、甚至幾萬蚊、配晒種、仲有埋出世紙，買返黎既名種喵就飲熟水或者鑽石能量水都得!! 哈哈!! <------講笑的 !!
不過我朋友一隻英短一隻美短都係飲熟水的<------佢主人堅持!

我就建議喵喵都係飲水喉水好d，
不過而家天氣咁凍，我就會俾 d 暖水佢地飲，
即係自己沖涼時用花灑淋 d 暖水落水兜度，都算係水喉水啦!! hehe...
因我每次沖完涼佢地都好快咁黎飲暖水!!
唔駛太熱架!!

夏天就俾返水喉水!

ps.佢地個水兜放左入廁所架!!

我隻貓由細到大都係飲水喉水,第一佢喜歡流動的水,第二有時佢地飲慣左自然會打低好多細菌

現在家有六貓嘅我,當我未出世屋企已經開始養貓.所有貓都係飲生水(水喉水)就得架啦.佢地唔同人頪要飲煲過嘅水.太過保護和人化反而破壞佢地D天然系通和免疫能力.

水喉水,,,
仲要係放左一段時間既水,,
因為水喉水會有綠水味,,