信用卡一問

據我所知，CITIBANK 卡唔算難申請喎....因為我識既朋友都未試過申請 CITIBANK 唔批架.....反而 HSBC同 中銀 就難好多，我自己做銀行既，我雖然冇申請過 HSBC，但有兩個同事申請過，都唔批.... dbs 都幾易，你可以試試

其實銀行批卡係要計分架，有D職業會少分D，做野做得短時間 (剛畢業/轉工) 都會少分D，咁如果你有用開個間銀行既戶口，銀行話哂算知你既往來情況，係會易批D架

每間信用卡公司要求既年薪要求都唔同，最低大約 $60,000.00 以上
一般都要係香港永久性居民 ，同埋年齡 18 歲或以上

咁申請人要將以下既文件連同信用卡申請表寄返信用卡中心
(1) 申請人之香港身份證。
(2) 附有閣下姓名、戶口號碼、 銀行名稱，及最近三個月薪酬證明之銀行月結單/存摺。
(3) 現居住址證明，例如： 銀行月結單 。
(4) 其他資產證明 (如有)，例如：定存單等。

如果你有份正當職業，達到上述要求，有齊文件，冇不良紀錄 (信用卡欠款，私人貸款逾期等，信用卡公司都 check 到架，因為而家有個叫個人信貸資料庫，你簽左申請書，即係授權信用卡公司去查你架喇，咩野借款紀錄都睇到)...一般都會批卡比你

唔知你上次申請東亞既信用卡係邊張，東亞有張叫 shine card ，只須一個月入息證明，月薪港幣 $3400 起可以申請，算係我聽過最低薪金要求既卡，你可以去睇睇
http://www.hkbea.com/hk/pb/cc/card_products/shine_card/index_tc.htm

希望上述資料幫到你

CITIBANK 既咭係較難申請.....但IT VISA 既審批係較寬鬆...因為FOR 年青人/學生多..所以你可以試下...應該會批...但CITIBANK 既CREDIT LIMIT 如果以你既得$, 佢批既額都唔會多得去邊....

其實你自己係用咩BANK 既A/C, 你申請返佢既CARD 批既機會高好多...

HSBC 既CARD 都易....你都可以試下

半年無問題, 因為你只需比最近3個月既出糧記錄就OK..但記得你計返你夠唔夠佢最少既年薪申請額, (EG 普通VISA 年薪 6萬以上)