天花板有個大孔 , 可以怎麼索賠?

06年2月發生既事，以家07年2月至發現到，
除非你有一個好合理既理由，
否則一般情況下，好難將天花板出現大孔歸咎於樓上裝修時弄穿。

另外，去年你浴室天花板漏鐵鏽水，向樓上戶主投訴過，佢曾承認係佢既責任，
咁我想知當時有冇第３者在場呢，例如管業處既人，
佢地可以幫你做個見証；拍照存案，簽個名大家作實。

不過我有少少唔明，佢話叫你搵人維修，按單賠償，但後來以保險不受理為由，拒絕賠償？關保險咩事？佢買咩保險？室內家居保險？

而管理公司係依件事上，佢地真係無野可以做到，管理處既人，最多係同樓上個人轉述下你既意思俾樓上既人知，其他野真係愛莫能助。

（由於未到單位實地視察，上述建議只作參考〕

2007-01-30 12:51:30 補充：
就算係小額錢債，你都要証明佢欠你啲乜至得，佢欠你維修費，咁點解維修費佢要俾？佢俾既理由係乜？有冇書面大家同意？就算口講，有冇第３者知？唔係就咁小額錢債就表示解決左問題。請緊記。

天花有大孔，你無即時出聲，就難攪d。

至於天花漏水，既然佢已經承認責任，就算佢保險公司不受理，佢自己都要賠。

去小額錢債係一個辨法，如果唔係就搵律師攪，不過可能要洗錢囉。

何謂小額錢債申索?
小額錢債申索是指涉及款額5萬元或以下的申索。小額錢債審裁處主要處理以下幾類申索︰

債務
服務費
財物損毀
已售貨物
消費者提出的各種申索
小額錢債審裁處並不受理下列申索︰

工資
土地收回
贍養費
放債人的貸款
短暫或永久形式的誹謗
假如申索額超過5萬元，也不得分拆為多宗個案辦理，使每宗個案不超過5萬元的限額。但你可以放棄超額部分，以便提出申索。小額錢債審裁處登記處的職員可以就你的申請給予一般指導，但不能提供法律意見。