深水涉邊度有好多布買?(緊急)

基隆街，成條都係賣布的，附近幾條街都有好多配件賣。如你坐地鐡，在深水土步<鴨寮街>出口(應該係C)，上完一條電梯向前上樓梯出到地面轉左行，行到尾應該開始見到好多賣製衣配件的舖就0岩。我平時鍾意睇下衫會行長沙灣道過去，不過唔肯定係A1定A2出口，呢個出口就上完一條電梯行背面條樓梯上，出到地面轉右行，沿路會經過一檔賣帽同一間金行，跟住繼續向前過紅綠燈，過完整條紅綠燈馬路向右行兩至三個街口便會到達基隆街。

唔明可再問。

2007-01-27 00:53:04 補充：
個人意見，如你不是買好特別的布料，建議在街邊的攤檔買，價錢會比較平同埋買一碼兩碼都得，如你買得多可以適量地壓價。最平的家政堂用的那種布(的確涼？？)，街頭那檔(近大排檔)大約$5-6一碼，下一條街要$6-8一碼。好多布行都不接受散剪，而且價錢貴。

汝州街同南昌街.太子地鐵站出近d

汝州街同南昌街有好多布行。地鐵A2出口一出係鴨寮街，直行下個街口就係汝州街，跟住轉左直行一直到南昌街都有好多布行同衫鈕等配件賣喇！

係基隆街同汝洲街mtr出口應該係a1,果度有好多布行,自己取色咭問價,通常是5yrd起散剪大貨價另加$5.00散剪費,如只買1-2yrd,可去基隆街車仔檔平D,不過冇咁多款.

我以前住果頭﹐你其實應該響太子站C2出口出﹐
之後向前行到大南街轉右﹐
沿著大南街再行兩個街口就開始有不少布鋪。
大概行五分鐘就到。