北京狗的皮膚病問題

首先要搞清楚啲粉紅色係咩，係咪俾跳蚤或牛蜱咬?還是係細菌感染的皮膚病？還是整損咗的傷口？唔同原因，用啲藥和對策都唔同的。你的狗狗有沒有甩毛？有沒有好痕咁去抓癢？你的資料不太詳細，好難答。
我都係養北京的，之前因為夏天日頭返工，冇開冷氣又冇幫佢剃毛，佢"up"到皮膚有問題，我俾omega深海魚油丸佢食(寵物店有售，寫明是對skin & hair好的，膠囊狀，我一日給牠吃一粒，唧落啲狗糧度，會好香 )咁自此佢冇再發生皮膚問題。
另外若有傷口(如俾跳蚤咬或擦損、剃毛剃損等)，獸醫俾我幫佢擦一隻藥膏，叫panolog ointment，獸醫話擦乜傷都得，擦咗真係好得快啲。
如果經醫生診斷係皮膚病，我就唔識啦，費事教錯你，都係帶佢去睇獸醫好啲。

看完醫生之後，可以考慮幫狗狗轉糧，因為狗糧都有可能影響。
可以為狗狗轉天然糧，會有一些專針對皮膚敏感的。
貴的有nb(薯鴨/薯魚)，經濟的可以選canidae(羊+糙米)

d洗毛水係咪醫生比的? 唔係就去睇醫生, 皮膚可以有唔同問題的, 要對症下藥. 另外, 可以考慮轉糧, 食咩絕對會反映在狗狗的皮膚同皮毛睇到...