養狗仔之問題

家人﹕
必須問準屋企人，任何一人反的話，日後會發生因為狗仔而產生爭吵的問題

經濟能力﹕
屋企人一齊同心出錢，定自己責任狗仔所有開支。
1, 食物
2, 零食
3. 健康的補充食物
4. 打預防針
5, 有病睇獸醫

屋企﹕
1. 比狗仔訓既地方，要有"床舖"。
2. 安排狗仔便便既地方或狗廁所

其他
1. 狗碗/飲水器
2. 狗帶
3. 狗仔梳毛的梳
4. 狗仔玩既玩具
5. 狗仔的書

最後﹕養狗仔有好多樂趣﹐除非你有二萬分既愛心，否則千祈唔好一時喜愛就養狗仔，因為狗仔一般都有好十幾年命，從第一天帶牠回家以後，就係promise 養牠一生一世！
首先你要知你有幾多BUDGET, 另外自已每月有無一千蚊到係FOR狗狗日常開支, 屋企比唔比養, 家人有無敏感, 自己每日有無六個鐘去陪佢先? 有無耐性及愛心去教佢呀? 佢老左會唔會繼續養唔嫌棄佢呀?老左就唔可愛架喇! 佢有病你有無錢帶佢去睇醫生呀? 結婚將來既生活有無預埋佢架?生BB又點呀? 係咪當佢係一家人呀? 全部都想好無問題的話你可以養狗狗喇!

細種狗可以選擇八哥, 貴婦, 史立沙, 西施及北京等, 價錢係睇品種而定, 除貴婦外, 大約三至四千蚊到, 唔好貪平去勝利道或藝美買大陸狗, 慳埋睇醫生都唔止呢個數! 通常係PETSHOP買狗狗係要買埋包狗糧, 因為一時間你幫佢轉糧好易肚痾, 之後可以慢慢幫佢轉其他牌子, 其實最好自己整狗餐佢食, 如白飯, 烚肉及雜菜, 烚旦白等, 呢幾種野己好好營養, 分分鐘好過狗糧, 話晒你都唔知狗糧係用咩做, 同埋要記住狗狗係要食肉先有抵抗力, 而家既狗糧通常都無肉架喇, 因為要領狗狗痾既便便唔臭, 所以無加肉只加味粉, 人一樣食肉痾既屎都會臭D啦, 有咩可能D屎唔臭先得架!

其實你每日有幾小時陪佢玩佢已經好開心, 唔洗刻意諗咩同佢玩, 打下佢手手, 彈下佢額頭佢都好開心, 追下波仔, 同佢鬥下力, 已經令佢可以訓得好冧, 同埋要每日幫佢梳毛, 洗眼耳, 抹手腳, 一星期帶佢去街一次見下世面, 一個月要幫佢滴頸防蚤, 牛啤, 六個月大前要幫佢做防心絲虫, 每月杜虫, 大左後三個月杜一次! 你一養開你就知道要做咩架喇, 等你養左先再上黎問過啦
你cc this網址: http://www.y28lifestyle.com/Y28Pets/program/template/pets/pets_dog.php?lang=&ref=1

你養狗前須知請到以下綱頁可以幫到以。
http://hompy.netvigator.com/main/page/manho786

如果你買左隻狗隻番黎之後,就立即帶佢去獸醫度打d防禦針,跟住獸醫就會問你會唔會now同佢get 狗牌,同打埋瘋狗針,因為都幾貴下........搞點之後個獸醫會俾一d杜蟲藥俾你,叫你一早俾隻狗食~至於個d防禦針就一年打一次,唔記得係瘋狗針定狗牌要每3年一次,睇左第一次之後,獸醫就會係每次要打針前一個月寄封信俾你架喇~咁就唔驚唔記得啦~!我個間獸醫診所就係咁架喇~唔知幾他係唔係咁~希望幫到你啦...........