我隻狗狗..................help!!!

照你形容,你狗狗有可能是患上「椎間盤突出症」！

你可以搵"科神經科"專科獸醫幫你!
佢叫呂大安Dr.Diane,係太平道寵物診所,電話: 2761-9981

我隻狗狗之前都有呢個病,係香港,唔係好多獸醫識醫呢個病!
(如果多人識,Dr.Diane就唔洗去考專科啦!係咪?)

而呢個病,要根治就必須要做手術！
食藥、針灸,只是其中一種舒緩、止痛作用,狗狗不痛,自然會想再行返!
但如果又受到"刺激"或者受傷,病仍然會再發出來!

手術費大約$20,000,HSBC信用咭可以免息分期12個月,
為起每個月都係千幾蚊,如果你負擔得起,做手術係唯一根治方法!

重申一次,做手術才是根治方法,並無其他根治食療、針灸、藥物! 那只是拖延病發!

分享d經驗比你,以下係我隻狗狗05年10月椎間盤突出症既紀錄,
由有先兆、求診、做手術、康復情況都一一寫低,希望你可以有耐心咁睇!
有問題既話,你可以依我網頁上既電郵MSN我或者E-MAIL比我再傾都得!
http://boston.sinababy.com/K/index.htm


比段野你睇:
【椎間盤突出壓住神經線】（上、下集）

【椎間盤突出壓住神經線】上集

好多時聽見D狗主話，狗狗整傷腰骨，狗狗摟到腰骨，狗狗後腳無力、....其實個病係叫做《椎間盤突出壓住神經線》

點解有這種病？

如果你養的狗狗是北京、西施、臘腸、歌基、八歌，當然也有例外的品種！發生這種病，係品種和遺傳的病，因為牠們的椎間盤內的軟組織會相對其他狗提早老化，當D軟組織突然爆出，壓住神經線，就令牠們行路時怪怪的，加上牠們喜歡跳來跳去。如果情況嚴重的就要做手術！

呢個病分5級！

第一級病徵，腰痛、唔中意人掂、身震、胃口差、性情轉惡、唔跳唔跑、唔願郁！

等二級病徵，同第一級差不多，但行路時會好似飲醉酒，開始後腳無力和後腳感覺好慢，喘氣。【有d個別例子都會做手術，例如服了一段長時間的止痛藥無好轉、又或者痛得好厲害】

第一、二級可以困籠休息和食止痛藥，食藥只是止痛【止痛藥有分類固醇和非類固醇成份，最好問你的醫生】，椎間盤內的軟組織，係不會縮回椎間盤內。之後觀察兩星期有無變差，但若穩定，狗狗可以放監，但要慢慢，不能跳。若變差，主人要有心理準備，有可能要做手術！

第三級病徵，喘氣，後腳無力，而且後腳會拖住行、後腳感覺會好差，狗狗好似唔知自己有後腳，但仍然痛楚感覺。狗狗會知痛！這時侯，狗狗要做手術！

第四級病徵，同第三級差不多，但開始會失禁，後腳痛楚感覺開始遲緩，怎致唔識痛！這時侯，狗狗有做手術！還要越快越好。

第五級病徵，狗狗後腳已經無痛楚感覺。大小已不能控制！如果去到五級，狗狗必須24小時內進行手術，若錯失這個機會，狗狗會永遠行不到。

又有陣時聽見狗主話,平日睇開個醫生話種病無得醫，狗狗要人道毀滅！
又或者只會打高制量的類固醇，甚至吊一D好貴，又話幫助骨的藥DxxO，但係有無好轉，甚至情況差左，這樣會拖慢了病情!


其實係香港係有獸醫識做這種手術，但要小心選擇獸醫，這種手術不是小手術！

脊椎神經科手術，並不是一般手術，有咩差錯，狗狗一世都行不到。
手術並不是在骨頭上做，而是在神經線乎近或下面做，所以醫生一定要訓練有數，而且不是一般骨科手術，一定須要受過特別訓練！


當狗狗有了椎間盤病，需要做手術時，醫生要知道邊節有事，他們須要照MRI or 打顯影找出位置。兩者有什麼分別：

兩者者須要全身麻醉。
MRI：是一種比較新的科技，只須要放動物在儀器下，照不同角度，就會清楚見到邊節壓住神經線，而且比較安全和快。

打顯影：是一種比較舊的方法，須要的時間比MRI長，而且比較危險。
醫生須要在動物的椎間盤與椎間盤之間，在有限地方，打一些藥物，現出神經線，之後照x-ray，找位置。【一般x-ray是看不到神經線的。】
如果在打顯影期間，打的位置不正確，輕的一世不能行。嚴重的會死亡，因為有可能打中中樞神經。


係香港話自己識做脊椎神經科手術的醫生

（一）受過特別專業訓練，而取得專科文憑的【專科醫生】
（二）有手術經驗的醫生【骨科醫生】
（三）好喜歡嘗試不同手術的醫生，勇於嘗試【但係咪真係識做就天曉得！】

其實大家可能唔知道，骨科手術和脊椎神經科手術的分別！
骨科手術，當然手術位置大部份都在骨頭上做的。也有他的難度！

最後有幾點可作參考：
1.減少跳上跳洛
2.抱狗狗時，不可只捉前手，應抱胸及pet pet，盡量腰骨要平
3.不要食鈣片or 鈣丸，.一般成犬狗糧鈣的成份已經足夠，食得太多鈣，有機會膀胱生石或腎石，甚至領骨頭變得脆弱。好多時D主人會唔會食多D鈣會對骨好，個觀念係錯！狗和人係方面係唔同。
唯一一種情況下狗狗須要食鈣，就係狗媽媽生了好多狗BB，D BB食奶食得好勁，個時侯，就可以俾鈣狗媽媽食，又或者俾BB狗糧餵狗媽媽，因為BB糧鈣的成份會多D。
4.最量少行樓梯
5.不鼓勵做（請請）動作
6.不可太肥

希望可以減低病發率！但男仔狗比女仔狗，男仔病發多D。


-------------------------------------------

【椎間盤突出壓住神經線】下集

好多時D主人問，點解點隻狗膊頭，會大叫，前手無端端吊起【有D主人以為斷手】，又或者條頸好似緊左、好似短左兩吋，『會唔會係訓矮頸』？又唔會唔係扭親條頸？又會唔會係風濕.............？？

其實有機會發生的可能性係：椎間盤突出壓住神經線這個病，因為這個病可以發生係腰椎（腰骨），也可發生在頸椎（頸骨）！
同腰椎一樣，也是牠們的椎間盤內的軟組織突然爆出，壓住神經線，就令牠們行路時怪怪的，頸部非常痛楚。一但前肢開始企唔到，就好大機會要做手術！


一般有機會發病的狗品種：
芝娃娃、北京、西施、臘腸、迷你品、松鼠狗等 ，病發時間6歲或以上。當然有例外的 。 大型狗狗也有機會發生！


頸椎痛的級數也分為5級：

第一級：行得走得，但突然會大叫，唔知邊到痛。【好似全身都痛】 ，但只要細心觀察，就發覺：
條頸縮起、條頸好似腫左、緊左，頭不願抬起，不願think個頭，又或者個頭郁到某D角度會大叫！只願跳上，不願跳落！

第二級：有機會有第一級病徵，但明顯是：前腳行得比較差，開始腳軟，怎至不願企，又或者有機會吊起前手，也有可能前手屈曲而行。 狗狗會喘氣現象、身震！無胃口！

第三級：前腳已企不到，但仍然有感覺和有痛楚反應！好多時痛到係到大叫！係一邊『有d主人以為係抽筋or中風，有機會四肢崩緊』， 狗狗喘氣現像、身震！無胃口！

第四級：前腳已企不到，怎至後腳都無力企，但已無感覺，還有少少痛楚反應！ 全身非常痛楚！好像一隻被人點左穴道的狗狗。

第五級：全癱，四肢無感覺也無痛楚！ 開始透氣出現困難、身震、無胃口！


一般治療方法：
第一級，狗狗不可做據烈動作，要休息和服食止痛藥，減輕痛楚，食藥只是止痛【止痛藥有分類固醇和非類固醇成份，因類固醇藥，會容易令腸胃有潰瘍情況出現，最好問你的醫生】，不過椎間盤內凸出的軟組織，係不會縮回椎間盤內的。

其間，餵狗狗食飯時，最好將碗放的位置，和狗狗的口作一個水平線，不要狗狗dup頭進食。而且餵狗狗食藥時要小心，不能強行將藥 放入口內，這樣做，會容易傷到頸椎。最好放入食物內。
其次，不可洗耳仔，不可沖涼，不可跳上跳落【特別是跳落】。這些動作有機會令頸椎痛惡化。

第二級，服藥後3至4日都無好轉，狗狗仍然非常痛楚，這樣就好大機會要做手術！因為頸椎第二級就等同腰椎第三級。

第三至四級，盡快做手術，康復機會會越快。

去到第五級，就要醫生平估後，只知道手術還可不可以幫助狗狗。
頸椎要去到第五級，係須要一段長的時間，和腰椎不同。腰椎可以在24小時內，由第三級去到第五級。
如果狗狗頸椎痛去到第三至四級時，其實就不要再施。


香港係有獸醫識做這種手術，但要小心選擇獸醫，這種手術不是小手術！
相比腰椎手術更難做。

頸椎神經科手術，並不是一般手術，相比腰椎手術更難做。
有咩差錯，狗狗不單只一世都行不到，還有機會死亡。
因為頸骨手術，係要在頸前面做手術，醫生要好小心避開食道和氣管，只可以找到一個小小位置做手術。
【詳細情況，當然要問專科獸醫啦】

不幸如果狗狗有這種病，當然要一個有這方面經驗的醫生去做。
當然要找一個受過特別專業訓練，而取得國際認可的專科文憑【專科醫生】去做。


除此之外，有些病和頸椎痛病徵很相似：

腦膜炎、神經線發炎、神經線腫瘤、腦幹腫瘤！他們的病徵和頸椎痛的等一級很相似！

所以主人發覺狗狗有這種病時，就要帶狗狗去睇醫生！
當然要找個懂得分別這樣的病的醫生！

希望你們能透過這篇資料以加深對這個病的認識!

可能保凍親，又或者係發軟蹄，再唔係就係佢訓訓吓滾咗落地。

2007-01-27 19:42:09 補充：
如果牠滾了落地，可以分五級：第一級：沒有大事，只會叫第二級：牠會嗚鳴地叫，可能會魚第三級：會骨折，有少少血，救得到。(兩星期內看獸醫才救得到)第四級：中等骨折，骨開始中等斷列，流出一灘呈青黑色或深紅色血，早看獸醫才救得到第五級：骨全斷，腳會殘廢，嚴重的話可能會死，可以做手術救回牠，但傷口的骨會殘廢。

佢有無就住身體邊個位置唔比你掂?
佢有機會骨折，你快快快快帶佢睇獸醫，等獸醫幫佢檢查下
如果等得太耐，骨折既地方駁唔番，係手/腳骨折的話，有機會細胞壞死，成隻手/腳唔要得架喇
你快D帶佢去睇下啦... ...

應該是生病或受傷或受驚，因為我的狗都試過。

係唔係有病呀...帶佢去睇醫生...吧...

可能「有病」或者「受傷........

可能係病左

可能「有病」或者「受傷」，你呢個情況，我建議你睇vet啦！