點解某D屋苑晚上會聽到波子聲

根據前輩所講，屋苑晚上會聽到波子聲有以下解釋：

１．迫啲住戶搬走
以前有啲地產商，會用一啲下三流既手段，用噪音迫啲住戶搬離單位，值此收回單位作其他發展用途。

２．鬼聲鬼氣
迷信既人認為，樓上單位既無人住，但係又不時有波子聲，係樓上有小鬼在行腳或者玩波子。

３．鋼筋收縮
樓齡超過２５年以上的樓宇，因為石屎與綱筋老化，日與夜溫差效應，導致綱筋收縮，聲音似波子聲，多數係晚間先會聽到。

４．藏在地版下的喉管老化
於９５年以前落成的樓宇，供水喉管多用鐵水管，水管日積月累橫放著，水管內開始淤塞及老化，當水管供水時，固地喉管的石屎鬆脫，產生震盪，發出波子登登聲。

５．有小朋友玩波子
樓上住戶有小朋友，玩波子，唔出奇。

６．貓狗在地面玩耍
貓狗指甲未剪，在地面跑動，產生疑似波水聲。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

新起個啲樓，多數唔會好地地有波子聲，放心。

我返學果時問個亞sir，佢話呢d聲係鋼筋收縮所發出的聲音，早上座大廈比太陽曬住，仲幾十度，在晚上天氣氣溫下降，出現溫差，鋼筋收縮，所以呢d波子聲通常晚間先會聽到，其實新樓同舊樓都會發生