我好想好想好想好想好想好想好想學『長笛』』-_______-!!!

1. 14歲當然唔遲...視乎你學笛為咩~用黎入大學讀music咁當然時間有d緊迫, 否則幾多歲學都冇問題~你而家學仲好, 因為你係好想學就會成日練笛, 加上正確ge方法, 自然進步會快好多~要成功, 熱誠都好緊要~

2. 長笛有好多牌子, 最廣為人知當然係yamaha~初學多用YFL221, $29XX~yamaha笛音色唔算最靚, 不過係最穩陣, 所以好多人用; 如果價錢負擔唔起先選擇其他牌子lor~因為221已經係yamaha最平ge 初級笛~
但係如果負擔得起又有心一路學, 可以買支好d ge初級笛, 有好多選擇, 不過唔好買太高級同open hole(即按鍵有孔ge笛), 因為比較難掌握, 唔適合初學者~

3. 吹笛技巧:最緊要講個嘴形, 嘴形控制長笛ge一切包括音色, 音質, 音高, 係好難用文字詳細說明, 所以長笛係唔可以自學~

4. 長笛好容易吹得響, 好快就識吹好多歌, 指法只係手板眼見功夫, 但係吹得靚聲係需要時間, 唔單止練嘴形, 仲練耳仔去分辨唔同ge聲, 有心有耐性練咪識lor~咁算唔算難?

5. 邊有話邊間琴行好ga?!都冇話好老師會偏埋o係邊間琴行教啦~去琴行學要睇你好唔好彩~其實我主張學得一年先, 如果覺得同老師唔夾或者唔肯定佢教得好唔好可以多試幾個老師, 可以俾人介紹下, 不過始終自己試過先知ga~你試下就會知適唔適合你~人夾人緣~

我自己學笛, 試過6個老師, 最終選擇左第2個, 我覺得我唔係浪費時間, 我唔心急因為我唔係為考試而學, 跟咁多老師反而令我認識多左唔同"門派", 更加知多左長笛ge野~
不過而家d人學樂器好短視, 要有幾快得幾快考級, 要行捷徑, 我ge主張就唔適合呢種人喇~~~

1.我今年己經14year太遲嗎?
唔會.....但係要比心機d....
2.買長笛長笛又有冇分D咩類型同型號?
有分唔同既出產商....Yamaha silver....
3.可否提供一些吹笛技巧比我知?
第一你一定要夠氣，吹高音時要伸長舌頭,因為吹中音時舌頭不用太過伸長,但吹高音要伸長舌頭,又話氣流要在門牙下邊出。
4.長笛到底比較易學定難學D?
因人而異.....
6.到邊間琴行學最好?
最近你果間.....方便自己就最好la....