very 緊急....唔該幫幫手a.....

自己做多d Home Spa好過..

我用緊死海黑泥, 好ok... 比起出面的treatment平左又好用左..

如果要比好多$出去做, 不如自己做好過

其實你只須要選擇適合的潔膚和護膚品，
再加上自己注意一下生活小節，
便可以不用花大量金錢便可以擁有很好的皮膚！
（雖然都是要用錢，但起碼可以用少D！）

學術性的問題，我就幫不到你。
我不是專家，我只是用家。
不過你可以試o下搽米水，以下會介紹，
（價錢經濟又便宜，貴o野未必好！平o野未必差！）
預防勝於治療，請注意以下的生活小節：

隻手污穢不會掂塊面，
千奇唔好成日摸住佢，會越整越多o架！

潔面時原來唔好用手清潔，
而是用海棉來洗面會乾淨D、少D黑頭和少D暗瘡。
但不可以大力洗，而是溫柔地輕D洗，
這才能將D污垢洗走o架！

你有冇吃油炸食物？有冇吃朱古力？
有冇吃一些脂肪性的食物？例如：果仁、花生……等等。
有冇用營養成份重的護膚品？
……

我之前皮膚敏感和有暗瘡，
有人介紹我到 SaSa買花果美肌茶，
喝了幾天，面上的暗粒和敏感便退了，
但當然除了喝這盒茶外，我還用敷了水之道面膜（是防敏感系列）。

經常有暗瘡或黑頭，
最好要選擇適合自己的潔面和護膚品。
所以要注意飲食和清潔衛生等方面。

久不久睇中醫，因為可以調理你身體的體質，
體質好o左，皮膚自然會好的。

老生常談：多飲水，少吃煎炸食物，吃得清淡些。
最好吃多D唔同的蔬果，晚飯後吃生果，皮膚都會靚D！

唔好噴噴髮膠，要噴最好用手遮住塊面才可以噴，
因為這樣會讓塊面生很多暗瘡。
頭髮最好唔好成日遮住塊面，這樣又會生暗瘡的。
因為我以前試過係咁。


我試過用痘立消都唔得，
有暗瘡也未必一定要用暗瘡膏，
看你的情況，可以試o下用米水：
（這是一個很安全又經濟的方法）

拿一個細樽，內放上一D米和加少許水，
（注意：未煮過o既米，白米溝紅米，效果會好D，份量：少少就夠，
　　　　水是超過大半樽少少，米是少過樽的一半）
最好熱水，不過涷滾水也可以，
（或未煮好飯的熱米水代替亦可以）
不要第一次的水，只要第二次的米水
記住用前搖混佢和攤凍少許才用！
（即不要太熱，暖暖o地或凍都可以。）
每次潔面及用爽膚水後，
拿綿花棒（如果範圍大可以改用化妝棉）浸在米水裡，
將浸了米水的綿花棒搽在暗瘡上，
然後照平日護膚程序處理便可。
過幾天後發覺暗瘡印淡了，同埋暗瘡較快消減。
連高起個d都會降番，有疤都好得快D。

請注意：
1. 如果你D暗瘡有膿，都可以搽，它會慢慢好的。

2. 如果你D暗瘡是「酒米」，
　你可以先潔面，然後用熱水氣或熱毛巾放大毛孔，
　（不過範圍只集中暗瘡的位置，不要殃及其他面部）
　 拿用點了米水的棉花棒輕輕搽佢，「酒米」會慢慢走出來，
　 然後用冷水敷面，讓毛孔收細，
　（聽說：用冷水是最經濟和有效的收毛孔方法）
　 收毛孔後，便再用點了米水的棉花棒搽佢，
　 跟住便繼續護膚程序，

但記住除水份成份重的護膚產品可以用外，
暫時不要搽太營養豐富或太潤的面霜或敷類似面膜。
如果唔後，又會起番！

它的原理是：米水具有營養和消炎殺菌的作用

此方法是由
老人家常說：「口角生瘡最好搽熱米水就會好！」
想出來，

所以我便決定試o下用來搽暗瘡，
況且，它是很安全的，用了也不會有副作用。
我自己用過是有效。

記住用剩的米水，可放在雪櫃雪，可用多次。
但如果發覺拿出來時有異味，便要掉o左佢。
若還未好番，可再做一樽，重複處理！


面勁多油

你塊面多油, 可能是因為缺水,
皮膚為了保護皮膚, 所以分泌油份來保護皮膚,
而水之道是補濕產品,
所以只要皮膚夠水份便不會再油,
就算皮膚敏感都用得, 因為它有防敏感系列。

最好唔用那些吸油紙, 因為會越用越多油。
本來是缺水才出油, 但你不斷吸油, 令皮膚更乾,
到最後皮膚會繼續出油來保護皮膚, 便成弄巧反拙了！

同埋你試用以下產品，看看是否適合你用啦！

SaSa有得買的海洋離子淨膚面膜和水之道防敏感水份面膜，
1. 潔面後敷海洋離子淨膚面膜，
2. 然後用水洗面後搽水之道的Mild Lotion有助吸收，
3. 最後才塗一層略厚的水之道防敏感水份面膜約20分鐘，
4. 然後才繼續護膚程序。
這樣處理要視乎你的膚質而定，
平時你可以潔面後跟程序2-4護膚。
過一段日子你會發覺皮膚會有所改善。

海洋離子淨膚面膜 Masque Purifiant Purifying mask
(不過此產品好像只有在九龍灣分店才有得賣）
此面膜我只用過一次，但已經發覺毛孔細o左好多，很有效！

我處理自己的皮膚是用以上的方法。

希望可以幫到你啦！