HKU SPACE or CU的日語2級課程

我今個星期日考埋個校內試就會完成CU的高級日語證書課程(一)，這個課程裏會深入解釋3,4級某些文法，如ている、てある、ていく、てくる之類，再教部份2級文法，### 但我相信即使讀埋高級(二)，都唔會識得晒所有二級文法 ###，但就詳盡地講解了わけ、ところ、ばかり、だって、はず、もの、ほど、くらい等等一系列日文中使用率極高的形式名詞、副助詞之類，同埋好多2級文法精讀本裏面不會涉及到的文法，都好實用。

如果你未有3級證書不緊要的，因為你報名的話，佢會叫你去考入學試，佢會視乎入學試成績來定。高級(一)每星期上2堂，每堂2小時，課程要做一次group presentation, 3次tests、一次考試，成個高級一課程內容，有2個不同topics 共9課，每3堂完成一課，topics 的內容都幾有趣，不過有d 玄~即係除左學日文之外，佢都會好著重你明唔明課書的內容，基本上每堂都有功課做，另有cassette / mp3 俾你自己翻屋企做listening, 共13課，要你最少交9課，即每3堂交一次listening。

當然唔好ge 地方也是有的，因為每課有太多內容的關係，老師雖然唔係開摩打，但都教得幾快，雖然係咁，都係教唔晒的，一些冇咁重要的內容，例如行業術語、口語等都飛得好快、甚至要自己番屋企睇，所以除了上堂外，要花幾多時間去預習的，特別係佢教課文的那一堂，唔做預習ge 話，會跟唔上的~

### 因為佢持續進修基金claim 錢o個度，個2級能力試對策班，是跟同商業日語課程來claim 的，而不是高級日語課程，所以要達到2級的話，應該要讀埋佢個商業日語課程才算是2級。而完成佢成個商業日語課程的話，就可以得到商業日語diploma 了，都幾good ga~


港大就唔係咁清楚了，但港大好似一星期先上2個小時，個人覺得太慢，所以不考慮。不過質素應該都幾有保證~~

其他的話，要數學得最快的，要數hkma同bcc 日本語學校的課程了，一星期2堂，每堂3個小時，幾甘ga~但係喜歡學日文的話，應該會好buy~佢就寫到明會讀完54星期之後會達到2級，佢會用精讀文法書<<大新書局--完全掌握>>，同埋另一本中級日語的教科書，市面上都買到的。

其他網友好評的會有：第一日語暨文化中心(逐個月俾錢，負擔冇咁大，師資亦好)、日本文化協會(嚴格的，應該信譽最好)

自己感覺好似都唔錯的：大東文化教育中心(只限鈴木東校長所教的課程)，鈴木東以前是日本文化協會首席講師，都應該是信心保證。

我之前曾經讀過日文, 當時(即2006年)我地問亞sir 係邊到繼續讀比較好, 有好幾個同學話去日本文化協會讀, 當時他提醒我地, 除非你地非常有恒心, 否則只會浪費時間, 因為你地可能讀咗三年都唔能夠講到一口流利日語, 因為協會會主力教授文法, 他又話去到日本M記; 佢亞媽叫佢去攞茄汁, 都幾乎攪唔掂, 所以佢都叫我地揀學校要小心D, 最緊要係適合自己.