有喜?初為人父, 剛有BB2個月要開始留意什麼?

2個月真係好初步o者, 唔好太補住呀! 定D先啦! 而家最緊要萬事小心, 叫太太注意自己的飲食, 記得唔好食蝦蟹呀, 唔係BB第日會有機會皮膚敏感架! 多D食有營養的食物, 飲鮮奶啦, 超市仲有D專for孕婦的奶粉可以買黎沖黎飲, 我以前都有飲架. 得閒去書局搵D煲湯書睇下有咩湯岩煲比孕婦飲, 飲多D湯水呀! 太辣太刺激的食物唔好食哪, 唔好飲凍飲啦. 遲少少個肚稍大的時候, 買D專for孕婦的內褲著, 外在會保護個胎好D. 而家就算要食補品, 都要食D清D的, 例如: 燕窩, 花膠就唔怕, 第D太補的野就等BB再穩定D先食啦. 注意自己行動唔好咁敏捷哪, 著平底鞋啦, 唔好爬高爬低, 唔好跳上跳落. 出街要顧住自己咪比人撞親, 總之小心為上, 保重啦! 祝福你地呀! 順順利利呀下!

因為個個人體質都唔同, 首先, 唔使點補咖! 只要食番平時咁上下既嘢,

一日三餐要平均, 營養要均衝, 多些休息, 但一定要你太太自己留意,

有小小唔對路, 要即刻睇醫生, 或瞓床休養, 唔好抽重嘢呀! 因為有好

多人就係咁疏忽, 出咗事! 如果要返工的話, 最好預早小小出門口, 唔好

趕巴士地鐵之類, 總之自然些, 唔使太緊張既, 希望你生個肥肥白白又

健康既bb! 生完之後可以的話, 俾個電郵我至好不過....仲要有埋張相咖!

你個bb係仲係個肚度2個月,定係生左世2個月牙???如果係生左世兩個月,就一定一定要睇實佢,定時餵佢飲奶,最緊要既就係要多d同佢玩下,多d同佢講"爸爸"兩個字,等佢認得你係佢爸爸,當小朋友cry時,千祈唔好話煩牙,你同佢玩多d,佢就唔會成日cry架啦,一見到你就識笑^^
但係如果你係話個bb仲係個肚度呢,就一定要整多d補品俾老婆食下,唔好俾佢仆親牙咁,你做老公既,都識做啦,haha
^^希望可以幫到你啦