✔ 最佳答案
床要矮?無問題,但係一定要油壓床,因為佢o既存放量會大d,而且你間房面積比較細,床隔離可能已經係書檯,如果你買床下底係櫃桶o既,你起碼會徙jor 一個櫃桶o既空間,因為開唔到,會比張書檯頂住jor !
書檯都幾大?都冇問題 ! 因為你可以利用書檯o既闊度,o係檯頂造一個吊櫃,o係櫃門可以造一d 層板(視覺上唔會有咁多個櫃),以便再騰出存放空間,出面可以擺書或收藏品,裡面又可以擺雜物。若果你o既雜物係比較多,d 個櫃就最好唔好造到上天花板喇 ! 留o番一兩呎,可以買d 靚o既紙箱擺o野呀嘛 ! 當然如果想平d,買個現成吊櫃都一樣得o架 !
冇位放衣櫃?若然真係連一個高三呎,深呎半o既吊櫃都容納唔到o既話,你亦都可以去買一d好似鎖鍊咁o既o野(市面上除jor鐵之外,乜顏色都有),用o黎做乜?咪用o黎掛衫囉 ! 只要搵一道空出o黎o既牆,垂直勾起,數量同長短就示符你要掛幾多衫喇 ! 因為每個窿都可以掛入衣架o架嘛 ! 出o黎效果都幾型o架 ! 會好似自製牆紙咁,平面又慳位 !
至於唔係成日著o既衫,或者轉季o既衫,咪可以放入油壓床下面囉 ! 橫掂開關都咁容易 !
希望幫到你解決部份o既煩惱啦 !!!
2007-01-26 09:34:24 補充:
仲有呀 ! 雖然起地台係會多jor 存放位置,但係我覺得會將成間房o既空間感縮得更加細o架 ! 到時你可能會覺得好有壓迫感o架喇 !