點沖便身奶粉？(15分)

沖健身奶粉，一定要用大杯，最少應該用500毫升杯 (即係半公升)。

一般人，每似落兩殼都無錯。健身奶粉亦比普遍奶粉杰達達好多，必須用力搖勻，或者用搞拌機打勻亦得，呢個係正常現象。通常撈勻之後難免起泡，你放低攤一陣，等d泡散咁d就得。

如果真係太杰達達頂唔順，就唯有再加多d水，不過亦要用更大的杯了。

要留意，齋食健身奶粉唔會大隻，只會肥。一定要配合做運動 (尤其是重量訓練)，先至可以增肌 (變大隻)。

至於做運動，無話要幾耐或幾激至得，最緊要量力而為！不過一般每星期三次，每次1小時以上至有效果。

詳細增肌方法其實有好多野要留意，並非三言兩語講得完，去問健身教練比較好。

另外，健身奶粉比較熱氣，最好飲多d水，食多d生果，否則好易出暗瘡。

2007-01-25 14:58:25 補充：
健身奶粉的確會令你有飽肚感覺，所以我地通常會避免同正餐太接近，否則令自己無胃口式正餐，一樣無法增肌。健身奶粉只可以視為輔助性質，絕對不可以取代正餐。要練大隻，除了運動，就是勁食野同多休息，三者缺一不可。哪究竟幾時食健身奶粉呢？一般係做完運動立即食，同埋當下午茶。

點解唔睇說明書呢! 通常個罐嘅說明書寫得好清楚!!