兩條初生孔雀魚

1. 3,4cm都算初生@@?佢地已經好大條喇，應該已經成熟
根據維基百科對孔雀魚o既形容 - "孔雀魚是一種小型魚，雌魚比雄魚大，雌魚最大可達5厘米，一般為3厘米，身體顏色通常較不鮮艷，尾鰭高度與身體略同；雄魚一般為2-3厘米長，其尾部幾乎占全長的一半，色彩艷麗"

2. 簡單黎講咁都o岩o既，詳細d仲可以睇條魚o既形狀。雌魚肥d，個身圓圓地，尾鰭前少少、o係魚肚下面會有塊扇形魚鰭。雄魚個身就細長d，魚肚下面會係一條短短地，大約5mm長o既性器官。

3. 可能因為天氣凍，d魚就會減少活動。孔雀魚如果有病，最大o既病徵係會縮鰭，因為要減少身體表面積，防止繼續感染病菌。你睇下有冇d咁o既情況。

4,5. 蝦卵d殼太硬，食左會消化唔到，塞住條腸。人地通常都係俾豐年蝦佢地食，豐年蝦幼體含有大量蛋白質，可以自己孵或者去魚街買一包包新鮮豐年蝦幼體。另外有d冰鮮o既成熟豐年蝦賣，我就通常餵呢種，因為方便，一包三十二粒只係賣十幾蚊，一粒夠我餵幾十條魚。o係好多水族店門口會見到d雪櫃就係放呢d。

6. 養魚放d水草就得，放得太多古怪野反而冇左自然美

雌魚得(3cm)未算成熟啵我估佢1個半月大左右,反而你條雄魚成(4cm)就估計至小2個月大,
1 ) 一般黎講2個月大已經有唔錯既生育能力,但建議你養多一個月先比佢交配,因為等佢地完全成熟之後生既魚bb會健康同多d,
2 ) 分雄/雌,其實好易,唔洗睇身上既色彩,係睇佢下腹正中央既魚鰭((個度有3片魚鰭,只睇正中間個片魚鰭)),雌魚個片魚鰭係一大片半圓的,雄魚個片魚鰭係又長又尖,個片魚鰭其實係雄魚既交接器,用黎將精子放去雌魚用的,不過多數雄魚身上色彩多同sharp,雌魚身上就比較小色彩,不過有d雌魚身上有花紋架,我家中就有一條,所以好小人用花紋色彩黎分雄/雌
3 )因為唔知你魚缸用緊咩器材,所以好難答你呢個問題,但因為近日天氣好凍,如果你冇用暖管,咁有可以係佢地凍到開始病((因為凍到抵抗力下降,引發病患)),因為佢地係熱帶魚,最好生活響25-28度水溫中,如果有用暖管,有可能係水中ph值((酸鹼值)唔好,令佢身體不適,最好係ph6.5--7.2左右
4 )紅虫已經可以啦,因為有足夠蛋白質,但紅虫來源未必衛生,所以可以買(含有紅蝦素,蛋白質等等成份))既乾糧,因為紅蝦素可以增加魚身色彩,而係講個樣野係豐年蝦卵,其實新手唔好用佢啦,因為要人工孵化,十分麻煩,都有孵化好既冷凍品,不過又係個句麻煩囉
5 )一般水族館有啦,旺角個邊一定唔小,大約$60或以上,睇下咩地方出品
6 )海草係咸水生長架,所以你係要加水草,可以買(莫絲)但莫絲多數會圍好左響d木頭上面,所以可以唔洗煩買境物,仲可以買蜈蚣草or珍珠草,一串串,好靚架,因為水草又可以比初生魚bb有個地方避過比父母追殺