我是緊張大師一名，成日都杞人憂天，有冇辦法幫到我？

你好, 以下純屬個人意見，我覺得你既情況跟遺傳冇乜關係，主要因為你置身於一個較悲觀既環境下長大，受到家人的負面思考方式影响所致，日積月累的感染下而成為你慣性的思想行為，另外從小開始，你家人的管教大概很傳統及嚴謹，事事要循規蹈矩，又會慣性打擊你的自信，或愛將你跟其他人作比較，以及很多時候得不到父母的認同，以致你做嘢前就已經很怕出錯，又覺得自己總是比別人差，如此胡思亂想就會形成精神上相當緊張。

現在最重要是增加自信，可以先從外觀著手，將自己改頭換面，一種煥然一新既形象示人(例如改變髮型、衣裝、打扮...) 這可以幫助丟棄過去舊的、負面的一個你，以全新的1個你重新出發，另外可選擇參加興趣班或進修，培養其他愛好，當自己有所增值或有一定的成績時，對自我認同一定有幫助的，而且學識多咗，自信自然會強，心理方面，不要每事太執著去追求完美，人生不在乎是否完美，只在乎不斷進步，你反而要要求自己持續每天都有一點點進步，一點點增值就可以。

無論心血少或精神緊張都應該多進行戶外帶氧運動，對身體健康或舒緩情緒很有幫助，同時可以多看一些激勵性的心理書藉，多留意別人跟你不同的思考方法，經常提醒自己，每件事都可以由多個角度去想，不同角度去思考，就會引發不同的行為，以致產生不同的結果，咁點解唔去揀一個開心啲既角度去諗嘢呢？何況世事千變萬化，世界下一刻會發生啲乜嘢都唔知，所以冇必要將未發生既事，就妄下判斷為自己事事作壞既預測，徒增煩惱。
另外有可能你身體上缺少咗某啲營養以致容易產生負面情緒，我記得有一種維他命丸係可以for壓力及舒緩情緒，可以就近去萬X, 屈X氏看看。

其實..你第一樣做既野係冷靜
之後..嘗試做一些你鍾意做既野..分散注意力
可以睇下書/戲..又或者做下活動..同d朋友出下街
再唔係..同d朋友/家人傾下
最緊耍..唔好諗埋d無關痛樣既人/杞人憂天都唔好
最後唔得..先灼睇下心理生

我個人認為 你係對自己無信心囉
有信心 咩都唔需要驚 有可能你係對件事唔了解你先會驚囉
見識多左 我諗呢個問題就會解決了