我隻幼犬轉咗狗量後不再進食.

其實你的狗狗未必係唔想食或者唔愛食你比佢的新狗糧, 佢可能係開始大個唔食咁多次, 因為狗狗大概四至五個月就會比bb, 即係之前食少d, 我的狗狗到咗4個月度就由3次改到2次, 係佢自己主動唔食其中一次的, 我睇過狗狗書, 話佢地會自動唔食其中1-2次, 到約1歲就1日次, 所以你不用擔心, 只不過係時間咁岩姐, 你試下比少每次1-2成, 每日早晚一次呀, 我的狗狗而家6個半月, 佢都係咁食法, 有時比多咗佢佢就玩來玩去都唔食. 又要人餵, 仲有, 兩次之間唔好比太多零食佢食, 唔係又無胃口食糧,
如果想佢有胃口d, 可以先同佢玩一陣, 之後食, 食完再玩一陣. 咁佢會因為運動後會餓d, 同埋你之後又同佢玩, 佢會覺得食狗糧係好事, 就會自動自覺去一次過食哂佢, 原因係佢想有得同你玩, 呢個方法生理同心理一齊內外夾攻, 真係好有效的, 我的狗狗就好受用了, 你都可以一試.
至於轉糧, 大概九個月至一歲度就可以開始轉成犬糧, 因為西施都好易肥, bb狗糧會肥d, 所以可以早少少轉,

2007-01-25 13:41:42 補充：
係到約1歲就1日1次

新買既狗糧唔夠香, 兼且佢差不多六個月係時候要食一餐, 我隻poodle都係啦, 有時早上果餐唔食, 有時要等你加雞肉先食, 開始咀勺, 唔洗驚, 佢食少餐由佢, 肚餓又會再食架喇

乾量你用什麼牌子 ? 惠康有隻叫愛寶既乾量幾好 , 不過佢有分三種 :
第一種 : 俾幼犬食
第二種 : 俾成犬食
第三種 : 低脂肪既 , 個包裝有寫幼犬 , 成犬 , 低脂肪適合什麼年齡狗隻食用 !

或者你試下將乾量撈少少濕量俾佢食 , 可能會好D !因為我自己都係咁 !
我隻狗五歲幾(北京狗) , 我只餵乾量俾佢 , 佢一粒都唔食 , 但我撈少少濕量俾佢 ,
就食晒 !

一日食4餐 ??? 你最好唔好俾咁多餐佢食喇 ! 一日2 , 3餐好喇 !
之前有個朋友同我講 , 如果幼犬食乾量的話 , 最好將D乾量用水侵一陣 , 倒左D水佢 ,
咁D乾量會軟身D , 幼犬會易入口D !

希望幫到你 !

濕量不要俾西莎喔 ! 對幼犬唔好 !

其實轉狗糧係唔可以一次過轉哂架, 因為狗狗都要有個適應期架, so 你要 小小咁加落去,
為期大約 10 天 !! 仲有你隻狗狗食糧既時間太耐啦, 你係唔可以比佢食下, 行開玩下, 又食架, 咁會養成壞習慣架, 要限佢食既時間, (15min～ 20 min )　唔食就收起佢，　要比佢知
道食物係要珍惜既, 佢唔食咪餓下佢law, 唔怕餓佢架 , 只要有水飲就得!!!
佢出牙 or 換牙都會影響到食慾架, 不過就唔會話唔食既,
唔駛咁擔心啦. !!!

小狗轉糧需要慢慢轉,不可以一次過轉新糧,舉例:初期要一份新糧溝九份舊糧,第二餐就二份新糧溝八份舊糧...如此類推.(因為一次過轉新糧,狗狗會肚"all")

而狗主記得不要放"長糧",因為這樣會比狗狗覺得幾時都有得食,無需太緊張,先玩了再算(狗狗...尤其幼犬特別貪玩),最好每餐比狗狗五至十分鐘,食不完就冇得食,例如一日兩餐狗狗都不肯食的話...那就沒有得食了,要比狗狗知道要食就只有這兩次機會,如果不食就要等第二天.

狗主不需要擔心狗狗會餓親,只要有足夠既水就一定冇事,一日後佢地好自然就食光d飯,另外平時不要比太多零食和人食既東西給狗狗食,如果唔係佢地食飽了就唔會食狗糧gala,同時d零食和人食既東西一定好味過d狗糧,這會造成狗狗不食狗糧的,亦好難訓練狗狗(因為只有係佢地肚餓時係最好訓練的)

另外,如果係佢地食緊狗糧時,主人最好去搞0下佢,例如拿走d狗糧或把狗狗口中d狗糧拿出來,這樣做的話可令狗狗乖d,如果唔係佢地大了當佢地食緊野時,您一走過去狗狗就會咬或兇您.
最後狗狗食飯前後十五分鐘盡量不要和狗狗玩和令佢地跑,因為這樣會令佢地反胃,嚴重可至死的.

2007-01-25 15:07:52 補充：
如果狗狗食了新糧後有掉毛或起粒粒這些敏感症狀,那您可能需要再轉糧.(通常一星期會發現)

你可考慮吓轉(羊)比狗仔吃
羊對皮膚好營養衡均
你可試吓Hills or Royal Canin

用回以前的狗量及食法

通常用狗狗轉糧, 無論轉乜野糧, 都要慢慢轉, 例如, 頭三日, 毎餐新糧1/3, 舊糧2/3; 之後三日, 新糧各1/2; 再之後三日, 毎餐新糧2/3, 舊糧1/3; 然後就可以完全轉食新糧。用咁樣既方法, 狗狗對新糧的味道會比較容易適應。我明白佢食開的乾量已停止發售, 但係你下次再幫佢轉糧既時候注意下囉。

雖然唔知你隻狗狗之前食開乜野糧, 以下係我買糧既website, 都有幾多狗糧牌子, 係睇吓有冇你狗狗食開既糧啦 (我都係喺嗰度買糧俾我d貓貓狗狗), 有送貨服務, 幾好的:

http://www.foreverpets.hk/index.php?main_page=index

仲有, 因為你隻狗狗只係5個月大, 你幫佢轉隻新糧是否俾幼犬食用? 如果唔係, 咁可以佢真係唔能夠食到俾成犬食既食物。

希望幫到你啦。

我覺得你再轉另一隻比佢啦，
可能口味唔多岩，所以唔食！

因為動物同人一樣，會擇野黎食！
我隻貓貓都有d乾量唔食，原因可能係唔鐘意！