✔ 最佳答案
關鍵同油蔴地可列在考慮之外, 撇開行程不說, 呢兩間公司對各方面的監管比較寛鬆, 因此司機, 導遊, 領隊的質素都比較差, 購物點又可在行程以外再加, 不像其他旅行社咁將購物點列明, 行程以外的係唔會再加, 因此最好唔好擇呢兩間.
至於中旅/香拉團都唔係咁好, 唔知你講個團團號係唔係ZA, 呢個團行程實在太鬆了, 除香江動物園外, 農藝坊, 龍井坊, 蜜蜂王國都係shopping點, 廣州大學, 士多啤梨園都無咩特別, 最敗筆係住中山香格里拉, 個團之所以無馬團係因為路途遠, 廣州去中山要差唔多兩個鐘, 但香格里拉酒店附近無咩野玩, 第二日仲要自由活動, 會好悶, 再講, 長隆大馬戲係一個好值得一看的表演, 無得去睇實在太可惜了.
而另一行程坐船/住碧桂園都唔錯, 我想團號應是GOZ, 呢個團行程適中, 有個shopping點, 唔算太多, 坐船比較舒服, 睇完馬戲開車去碧桂園大概50 mins.
至於永安, Sorry, 你俾的資料有限, 實在唔知你講邊個團, 但我反而有兩個心水選擇, 就係GDD02, 去鱷魚公園、環幕4D立體影院, 長隆大馬戲, 呢D都好啱一家大細, 小朋友又唔會覺得悶, 而且晚餐係長隆酒店食, 食完可輕輕鬆鬆行過對面睇show, 睇完後步行2,3分鐘就可返回酒店, 仲有第二朝可在酒店內食西式自助早餐, 再有自由活動時間, 可玩酒店設施, 雖然係直通車去自費返, 但2/23己是年初六了, 高峰期已過, 過關問題不大. 仲有個團號係GEE02食住同GDD02差唔多, 但行程我都係覺得GDD02好D, 但如GDD02 full左, 咁GEE02都可考慮.
綜合以上分析, 我個人認為永安GDD02係首選, GEE02係次選, 中旅GOZ第三, 其他的除非呢兩個團都full晒先再作考慮, 如果唔係, 我唔係咁建議.