即使我冇同佢講過我鐘意女仔 而佢又冇問過我都好
佢100%知道我係鐘意女仔既
佢知我係個tb..
佢估我鐘意邊個個陣都係估女仔
同埋其實好易分得出 睇得出
咁雖然佢知我係tb
但係佢唔只冇同我保持番d 距離
反而仲同我比較close相比起其他既同學
我唔肯定佢對我個種係咩
亦都唔知佢係咪鐘意
但我知道我自己肯定有d感覺lor對佢
佢平時成日會撩我
又會捉實我牙訓哂埋黎咁
佢今日至攬左我幾次
係真係成個人係後面攬上黎 痴到實一實
佢會刻意串我同埋激我 之後又會唔知點解tum番我==
但係我根本係冇嬲佢
我有時又係咁串下佢 但係都係講笑同玩
係開心既 唔會鬧交
佢又會餵我食野
有時我用手俾野食佢 佢烏個頭示意我餵佢食
我地上堂個陣雖然係一個坐前一個坐後
但係都會互相偷望咁
我會望前面順便偷望住佢
佢又會周不時另黎後面
當我地兩個望實左個陣
通常我都會好尷尬咁望去第2度扮冇事
佢出課室都會話等埋我 幫我拎定野禁
更新1:
佢msn問過我鐘意who 我冇答佢 佢曾經估我鐘意邊個個陣估話佢 我問佢點解禁問 佢扮哂野話諗唔倒其他人選 之後我問過佢有冇鐘意人 佢話冇 又話冇男仔岩佢 仲有次佢無啦啦勁開心之後同我講我愛你 不過我諗個次應該係講笑 同佢雖然曖昧 但係都會忽冷忽熱 好多時都係我唔做主動 我怕會煩倒佢 我會呷佢醋 比如見倒佢同d男仔有講有笑 話哂佢都曾經同過男仔拍拖 有時我同d女同學/fd close個陣 我會攬住佢地 痴到好埋 不過冇企圖 但係個女仔就會望到我實一實禁
更新2:
d同學成日都覺得我好似鐘意佢 覺得我同佢有野禁 大家覺得個女仔有冇野 我驚係一場誤會 同埋又未肯定佢性向 仲有你地覺得我應該繼續禁樣既曖昧關係嗎? 同埋有時我地忽冷忽熱 我應該保持原撞唔好咁主動嗎? 因為我驚煩倒佢 同埋我覺得好似大家冷漠幾日 佢會更加珍惜我咁 亦會更主動禁 反而我成日主動佢可能會覺得已經係慣性既事禁.. 但我又怕我再成日咁同佢忽冷忽熱 到時關係變差 大家覺得應該點?
