貓貓大便有血絲

我的貓瞄在上星期六出現差不多情況, 不過不是血絲
而是一滴血. 我很驚, 馬上BOOK獸醫, CHECK後話無事,
出現這情況只有兩個可能, 一是太熱氣令便便太硬,
弄損條腸, 二是吃了硬物, 排出時刮傷條腸, 回家觀察,
再有血就要照X光.

結果回家後, 我蒸D蕃薯加貓魚給佢吃了一日, 現在沒有事了.
以後我都會每隔一星期就給牠這個餐單.

你最好留意你的貓貓喝水量是否足夠, 不防可試我的方法..

有以下三種可能性：

1. 大便太硬，令肛門受損
　不過呢個情況唔會成日發生，只會偶爾出現，所以你要觀察多少少時間，先可以斷定佢究竟係咪因為呢個問題，當然，如果想快，你可以選擇呢幾日餵濕糧，因為濕糧出嚟大多數都係軟少少的便便，不過當然，呢個方法都未必係最準確可以測試得到！

2. 有寄生蟲
　呢個要去搵醫生檢驗！

3. 腸胃敏感
　我其中一隻貓都持續有咁情況，最後我帶佢睇醫生，牠身體健康，亦冇蟲，由於腸胃敏感而引發的大便出血，唯一的辦法就係改食"防敏感的乾糧"，不過呢個都要係醫生嗰度診斷出嚟！

所以建議如果你發現佢長期每日都係咁，你一定要帶佢睇醫生，搵出個根源，治標又治本！