✔ 最佳答案
我自己租過沙田(河畔區),覺得交通很方便,要出沙田市中心搭巴士下個站就到,想行出去亦只是十多分鐘。樓下有過海巴士經灣仔(182/170),又有村巴,出九龍尖沙咀巴士亦方便,而且很旺晚上有不少食肆選擇。鄰近公屋有街市、商場,買日常用品比較方便。
第一城我就覺得相對比較遠,出市中心要多2個站,而出九龍的車最快是經大老山隧道出鑽石山彩虹方向,相對獅隧可出九龍塘旺角就冇咁就腳。不過第一城發展完善,應有盡有囉。
沙田市中心就一定很旺很方便啦,但要2個人住租金就貴很多了。
我住河畔區約$4000/400多呎,有2細房一廳
第一城就不止這價錢了
嘉湖方面,我工作的地區鄰近,治安ok,但比較雜,出九龍過海車資很貴
我經驗是:除了考慮返工交通外,亦留意自己放假會否多留在區內,如常外出的地區是那兒,如喜歡在區內的話,你揀的地方是否合心意
2007-01-29 10:32:47 補充:
400呎有幾大......一般舊式公屋4人單位有380呎左右啦,咁私人樓的實用面積比公屋差,所以400呎夠2人住啦! 但係都要睇實際間屋的間隔係咪合你心水的。