✔ 最佳答案
1. 冇年齡限制（但係一生人只可以讀一次，響僑大結過業既唔可以再讀僑大）；
2. 台灣仲係用緊好傳統既標準：60分合格；
3. 唔係一入就揀，係你報大學聯考就已經要揀，如果聯考考唔到入大學，又唔係考得好差既話，佢會叫你入先修班先（入返聯考考o個類組）；但係入左先修班之後，仲有少少時間俾你考慮申請轉類組既（大約一個月度啦）；
4. 理論上係讀完一年就可以分發入大學（如果o個年冇俾人踢出校同埋順利結業既話－通常係嚴重違規先會踢出校既），但係唔一定可以入國立既大學，要睇你o個一年讀成點，成績點囉，不過如果唔係一定要讀乜野系，而係只要讀國立大學既話，咁正常情況如果唔係考到尾20%，都應該入得到既．國立大學唔係咁難入既．
5. 國立大學除左學費平之外，政府俾既資源多D，師資好D，學術研究水準高D，出名D，排名都高D，基本上，私立既就會差D（當然個別學系係有可能某某私立大學係全台灣至top既）；
6. 中文當然要學”國語音標”啦（台灣唔叫普通話，亦唔叫漢語拼音既），但係呢個只係其中一科，當然仲有好多同中國文學有關更深入既野學啦；數學當然唔會學１＋１＝２呢種野啦（其實我都唔知數學學乜，淨係知數學系雖然幾易入，但係好難讀，台大數學系可以如期４年畢業既比率係最低既）；
7. 澳門係一個真真正正既多元文化社會（因為自己冇標準），響邊度畢業都可以響澳門做野（幾多暨南大學畢業既可以做政府醫生呀），如果響商業機構就更加冇所謂啦，人地睇下你個人既人品同埋醒唔醒目既o者（當然會考慮語言能力同埋個人小唔小心啦），邊度畢業都可以既（外國畢業可能去某D公司會著數D；但係其實而家大學畢業生通街都係，初初出黎做野，都係做文員仔架咋）；
8. 國立大學學費大約萬幾蚊港幣一年啦（私立既會貴兩三倍），生活費要睇個人啦（要豪可以好豪架），一般學生標準，慳慳地，一個月兩三千蚊港紙一定好夠．
9. sorry，唔知，冇問過．
10. 一般比較好既大學都集中響北部（台北開發得比較早），都有例外既，成功大學嘛響台南囉，都幾好架，另外，清華大學響新竹（台北縣），理工科都幾出名架．
你如果想知多D，去參加升台就學講座啦（年年都有搞，聽講今年好似響旅遊塔），你可以聽多D，問多D深入野．
希望幫到你啦．
