兩個人一齊點樣先做到信任?

唔知點解...
我成日都好驚佢搵第二個..好驚佢離開我
但係我覺得係因為好愛佢先會咁驚..
但係佢話唔想我成日唔信任佢..
佢話如果同一個成日懷疑佢唔信佢既女仔一齊拍拖..
佢話寧願唔拍..
我想問:係咪因為佢唔係咁愛我,所以先咁講
佢以前都成日好驚我離開佢..好驚我會搵第二個
但係佢宜家話:因為愛我,宜家我冇野俾佢懷疑,所以佢已經無再咁諗
但你我真係成日都好驚佢離開我..
其實我點先可以做到信任佢..

因為之前有次佢係MSN..俾我發現左..
佢之前同另外一個女仔話:好掛住佢..
(佢之前鍾意過呢個女仔)
我睇完真係覺得自己一直信錯人..
之後問番佢..佢同我講話:無野講所以搵呢樣野講..
我聽完真係信唔到佢..
之後過幾日..我再問多次
佢竟然答:因為SD錯左..
我話:點解之前唔講SD錯左
佢話:因為覺得你唔會信
唉....我真係唔想唔信佢
我為左同佢繼續一齊...死頂難頂當冇睇過MSN個單野
原諒左佢..
唉.......真係好辛苦
有冇可以教我點做?