有關聖約翰急救課程合格率....很急

我2002年第一次考, 2005年續
兩次都係一次考到~最多野記係包紮, 你最好睇多幾次隻碟既示範
平均合格率我唔知喇, 不過以我所識既人之中
十個有九個如果唔合格都係肥CPR

你考試當日佢會派一張粉紅色紙俾你, 有你個人資料, 有個table(關於你筆試, 包紮同CPR三份卷合唔合格), 下面有另外一part, 用虛線撕出黎俾你自己keep, 係講你既考試成績幾時可以知道,
俾埋個電話你教你點打去問, 係講合唔合格
如果合格就可以去總部拿取證書, 由成績公佈當日三個月內起去拿證書, 要身分證, $50, 續證都係要收錢
唔能夠親身去就出示你身分證副本同課程編號俾個受託人去

其中一科唔合格就要限定時間再讀個半日重溫課程, 再考多次, 要成績公佈後三個月內完成補考
地點係總部, 3.5小時, $130
有關網址: http://www.stjohn.org.hk/b5/fa_c_HDRC.shtml

如果兩科或以上唔合格就要再讀過成個成人急救課程喇
祝你考試成功~搵多d人做你model練包紮啦

2007-01-24 23:35:53 補充：
考官望實你都好正常, 咁佢都要睇清楚你有冇錯架至於包手腕塊布冇遮到手腕, 咁塊布遮左邊個位呢? 其實你當時最好應該包完之後再細心檢查一下先同考官示意你已經完成, 只要唔超時就得三個結只可以解一個, 你有冇打錯呢? 係咪左疊右, 右疊左?如果冇記錯口訣, 解唔到結有兩個可能, 一係你打得太實, 一係你唔識解記得我媽咪舊年考同佢練包紮, 佢成日解唔到個平結, 不外乎呢兩個原因合唔合格睇下個考官俾分鬆緊喇

2007-01-24 23:40:27 補充：
我媽咪見成日解唔到個結咪練多幾次解結囉最後都可以一次合格其實我考試個時都有細細聲同partner傾計, 有咩錯都可以即刻提出黎真係要好細聲講唔好俾考官發現通水啦你個partner有冇發現你包得唔岩, 如果佢認為冇錯咁你可以放心d喇

你考O左未?
如果你考O左,當日考官點對你?如果你話搞掂,佢望兩眼,同你講"真係搞掂?駛唔駛俾多少少時間你CHECK下呀?"噉即係你有錯,你要留意包扎有冇調轉左右.先處理出血,後處理骨折.(胸部骨折最先處理).再留意手肘,膝部應該用九十度角扎法(眼仔)定係簡單螺旋.你CHECK到有問題,再扎過,考官睇完唔講O野就俾分應該冇事.
但如果佢同你講正確答案(無論有冇俾機會你改),噉即係你錯得太犀利,或者佢心情唔好,應該會肥.
筆試+包扎+CPR三部份,一部份肥就補考,再多就再上堂重頭O黎過.
打電話去知會知是否及格(唔會話你知幾分),合格就三個月之內得閒上去拎五十蚊取證,代領要有身份證影印本.我未試過唔合格,不過我估佢會話你知你邊部份唔合格,之後叫你申請補考.
如果你未考,請放鬆心情,而家成人同嬰兒CPR一樣都係15:2,搵心O既方法亦簡單O左,應該冇問題,總之做足每個步驟,數數數得大聲O的,吹佢唔漲都唔好離口,乘機調較佢個頭O既角度,按胸成人掌底O係兩個乳腺中心點,感覺上你渣住佢一邊胸,掌底到膊頭成垂直線用全身O既力壓落去就係,總之就好似你可以按爆佢噉,寧願大力,都唔好俾佢話無力.
做完一個循環,考官冇叫停就再檢查脈膊由頭O黎過,千祈唔好自己停.
筆試好簡單,第一個原則就係斷手斷腳十成燒傷都好,第一要做O既永遠係保持傷者呼吸脈膊.
祝你好運!