究竟什麼才是喜愛彈琴? 玩琴和喜歡彈琴是不一樣哦!

唔,我都口口聲聲話自己好鍾意彈琴架! 我鍾意既地步呢,幾乎可以話鍾意到要為琴而死,如果依世冇左鋼琴彈,我會去死!係咪好誇呢.
我唸鍾意彈琴既人除左會花好多時間練之外,會鍾意聽鋼琴音樂啦,重會好想去找一D同鋼琴有關既野,對音樂家既分析,每一首歌既分析,每次見到彈琴勁既人都會好珍惜機會上前問距地野,究竟邊到要改,點樣先表達到個音樂家既歌既心情呢...等等...

想真一點,點解咁鍾意彈琴,首先冇得細細個學,十幾歲先"求"到阿媽比我學......而且有好多人想學都冇得學,再加上學左琴令到自己改變壞習慣!<---(依一點係我自己最近發覺,如果人懶係彈唔到好琴,唔係只勤力於琴,而係做人做事每一樣都要做得好,唔可以懶)

我好同意就係"喜歡與否是可以慢慢培養的.. 不要見子女好似心散不喜歡練琴就不給他們學習鋼琴的機會". 這是對的...其實我最初學琴都係口話鍾意,跟住唔練...但係到左而家變到好鍾意,同時會好鍾意去彈...

所以鍾意彈琴既人,要珍惜...

我亦都好同意兩位講法,本人都係教琴已經教10年,經我教過學生都超過100個.咁多年教學生涯裡面能夠遇到真係呢方面有天份而又真係鍾意彈琴人真係10個都數得哂!好多小朋友學琴都係抱住應酬心態去學,例如父母鍾意,學校要求參加,或者有親戚學又趁熱鬧一齊學,最終呢小朋友都會因為憎練琴而停學.我有好多學生因為跟我學琴而同我成為好朋友,可能我年紀又未算好大(未到30哈哈!!)加上又比較爽直,唔鍾意(頓)起個老師款去教學生所以佢同我都可以玩得埋!我唔係讚自己,其實有時我覺得除要慢慢培養外,老師同學生關係都好重要,學琴其實只係一個興趣並唔係必修科目,所以好難逼佢學,一定要用一方法去引導佢愛上呢樣咁佢自然肯自動自覺練琴,如果個老師每次見親個學生都係上堂鬧到落堂,唉正所謂貼錢買難受俾我都唔學啦!!所以做老師除教之外有時亦都可以同佢傾偈關心佢,當佢好似朋友咁,咁佢就唔會抗拒學慢慢仲可能會愛上呢樣咁好玩樂器添!!