怎麼面對客人的無理取鬧 ?

試下心呼吸，一大淡，然後噬左佢！可以既話，借的義離開環境一陣，等自己心境可以平靜，亦比佢冷靜下！（個客）

1) 將自己代入客戶中，利用 (Yes.... but ) 既方法，先認同客戶意見，等佢唔好鬼殺咁嘈先，到控制到局面，就用but，講出你公司原則，最後，就梗係打完場，佢嘈，只係想要【結果】嘖，明唔明？

2) 軟皮蛇咁面對（係個心裹面），其實，見得多就慣，相信自己能力！

現時環境，好多人都好要求高，生存既要求亦提高，所以相對來講，我地EQ都要提高，如果想生活再好的，將自己學識提升一下，或者轉行做內部工作！

不過，我可以同你講，無論你去到邊度，都係一樣，完全無分別，我可以用咁多年來轉工同經驗話你聽！所以，一動不如一靜，有【危】自然有【機】，你能夠過到，你就可能將來會有機啦！點解？因為你老細會知你有能力對住的煩客，又做得野，比你都會簡個好的架啦嘛！

知唔知點解，你仲未上到位？咪就係因為人事上問題囉！人事上問題，有壓力，可以放工解決，一個只係識處理工作既人，只係做緊佢現有工作上既野，但同時亦要明白，客戶及內部同事溝通，如果你能夠過到關，通過到，你將來就會有機會帶到一班人啦，明嗎？

好多管理人心態，見到你自己都未攪惦，又點會比你再攪多的同處理更復習既人事及客戶管理呀！

另外，建議你可以去睇下的CRM課程(Customer Relationship Management)，可能對你個人既內心及事業會有幫助！

得閒就約朋友吹下水，減下壓，做下運動，如果可以既，就同team既人大家交流下心得，唔好成日收收埋埋，要keep住改善自己，同時亦幫到自己，可以借機會發表一下，等公司知道，可能有的情況，客戶會真係超越公司所能接受既範圍！

其實都無咩特別有效的方法解決的啦．　
試下做事的時候保持笑容，講多兩聲「你好」「多謝」之類的說話．正所謂「伸手不打笑面人」，如果你一直保持親切有禮的態度的話，多數講道理的客人都唔會太為難你的．
如果真的遇著不講道理的人，最好就叫同事或上司支援，因為你和客人各持己見的話，多數都是吵架收場的．找個機會離開現場一陣，總好過「企係度」比人鬧（特別是有ｄ人會越鬧越得戚，見你唔出聲就以為佢自己好叻）．
有時客人不並是針對我們這些前線員工，他們只是心情煩躁，而且又不理解公司的政策罷了．其實做服務業的朋友都知道，有時並不是我們這些前線員工不盡力，而是因為我們受到公司的程序和規則所限，所以才不能及時滿足客人的要求．這個時候啦，你都無謂向客人解釋太多，反正你解釋左佢都唔會接受的．你要同自己講「客人不是鬧我，而是在鬧那些無能的老闆和管理層」，將「俾人鬧」的負面思想轉移．
至於那些「耍大牌」的客人，其實都是一些不富有的人，他們怕人看不起他，所以就用「聲大夾惡」的方法來對付我們這些打工的人．對於這些沒有教養的人，我們就不要太計較了，反正在他們工作的時候，他們也會有被他的客人責罵的時候的，正所謂「風水輪流轉」嘛，總有人會幫你出一口氣的．
沒有客人的時候多和同事講笑話，輕鬆自己之餘又可以打好同事之間的關係．
培養自己的興趣，放工後就不要老是想著工作時的事．

1. 你想開心D 可以係去廁所果陣係佢背後小佢全家 奏佢快D 死
2 係無得解決 把口生係人地度 人地多口你都控制唔倒 只可以忍 又或者佢鬧你果陣你諗第二D 野 你可以諗住你自己打緊佢 打甩左佢D 牙 （但係唔好真係咁做）
朋友 你係咪做左呢份工無幾耐呀 當你做得三，五，七年 就會覺得比人鬧幾句 唔係D 乜野一回事架啦 比心機啦
我以前都係咁 我做侍應 碟野唔好食 我就要比客鬧 我心諗又唔係我煮的 到我拎返入去話比廚房佬聽果陣又比廚房佬鬧 有次我同個廚房佬打交 打傷左佢 （因為我羅個煲車埋去）
後來我醒左 D 客要換野我就同廚房佬講 你換就換 唔換我就叫經理入黎換
有時做人醒D 就可以唔洗受咁多氣
你努力啦

雖然我唔知道你做邊間公司, 唔知你有多少同事, 唔知你遇到的是什麼客人, 但我知道你不能辭職, 在情緒發洩上, 你只可以向人傾訴, 或者係將不滿和不如意的事情記錄在紙上, 寫完後可把它撕碎. 回家後盡量看多些笑片來平衡一下.

不過回心想想, 不是每個客人都是全心對你黑口黑面的, 他們都可能是受到委屈或受到不合理的對待才遷怒於你. 所以如果你以心為心, 盡量協助他們, 使他們滿意你的解決方案或處理手法, 你便會是很受歡迎, 長遠你更會變成專家顧問, 在將來轉工會更搶手. 而且為了更專業, 你必須睇多些人際溝通的書本, 向別人詢問多些不同角度的對待客人技巧, 甚至乎去上一些關於待人接物的課程增值自己, 這才是實際解決問題的好方法.

我d senior 阿姐教落,佢鬧咩,由得佢鬧lor,鬧到夠佢就會收聲!
佢黑面咩,咪由得佢黑lor,又唔會同佢做人世架!而且你對住佢架時間都未必會多,我果d客,可能要對足18個鐘先至會消失係我面前,要positive少少,你要唸唔可以為一個自己唔識架人而嬲,死好多細胞架!
我自己一唔開心會去冒險樂園玩,又或者食一大餐,唱k都ok架,唱哂d唔開心出來lor!

1.每一個人都是為五斗米而拆腰，你也要想著這份工作只是為了錢才做，想著家中等你的錢用，想我唔服務你地，你地呢d 癈人，食自己啦。
2.最好自我增值，找過另一份工作不用受氣。
3.化悲憤為食量，去同朋友食餐好的。
4.退一步海闊天空，忍一時風平浪靜。

1)心裏面鬧番佢。
2)冇辦法! 除非你發左達。