二胡的問題

引

我之前學左二胡十年，
初學0既四年都只係用個五百幾蚊0既二胡，
後來學耐左先換個靚0既。
(其他人情況都係一樣)
所以你宜家可以買個五至六百蚊0既，
遲d 覺得真係好鍾意好想繼續學，先換個靚0既。
最出名賣中國樂器0既係凱聲琴行，
太子同尖沙咀都有分店，
你可以去睇睇。
另外油麻地有間粵華行，都可以考慮。
而其他大型琴行，
始終以西樂為主，選擇少之又少，
不過都可能畀你搵到心頭好0既。
至於點樣揀二胡...
最基本係睇個型靚唔靚，
即係琴身直唔直，係咪垂直。
睇下個馬仔係咪0係塊蛇皮正中間就知個琴係咪垂直。
聽下聲靚唔靚，當然係厚d 靚d 啦。
另外一個小秘訣，
一邊拉一邊用左手摩下琴頂，
震的話即係個琴有共鳴，個琴就合格啦。
如果連共鳴都無，就買都無用。
聽聲另一方法係聽泛音同埋高把位0既音色。
泛音0既聲一定會清，如果你拉出黎唔清，
呢個琴又係可以唔洗買。
而高把位(指0既係起碼第三把位)0既聲呢，
五百幾蚊0既琴就唔需要要求太高啦，
有聲唔太沙都ok 0既。
除左個琴，弓都會有影響，
弓毛要順同整齊，最好就係馬尾毛，
不過宜家好多都係用纖維咖啦，聲無咁靚。
而弦線同千根0既綁法都會影響音色，
不過係後話，唔關買果時0既事。
最後一點，
除左以上呢幾個揀二胡0既方法之外，
其實「緣份」都好重要，
就算個二胡幾靚都好，
你拎上手，覺得對個二胡無乜feel 0既，
咁不如再試下其他0既。
慢慢揀到一個佢又好，你又鍾意0既先買都未遲。

二胡係一樣好好玩0既樂器，
畀心機學呀﹗


http://hk.knowledge.yahoo.com/question/?qid=7006060701598