有關上油問題(10分)

你係用筆油上去? 唔... 都得o既... 想做好o的就要麻煩o的
你要預備Gunze Mr. Color o既黑鐵色同埋銀色, 當然亦需要溶劑(Thinner). 而作滲線o既黑色就用田宮o既方樽裝琺瑯油, 同埋專用溶劑(即係X20)
首先當然係用黑鐵色油左底色先, 然後你要等油漆完全乾透. 之後就油上銀色, 但注意筆觸要輕, 只用筆尖輕輕掃上薄薄一層銀色(太大力會有機會抹甩底色). 等乾透後再薄薄咁油多層, 如是者, 直至銀色能完全遮蓋底色. 這裡要多點耐性, 盡量分幾次油, 以免過濕將底色溶化.
乾哂之後就可以用田宮o既琺瑯油做滲線o既工作, 然後用番田宮o既專用o既溶劑將多餘顏料抹走(放心, X20 係抹唔甩gunze o的油的)

希望我可以幫到你啦 不過我聽人講呢個方法架咋 自己未試過 唔知得唔得架(建議先用d無謂散件試下先) 你所講o既田宮油性油係咪細細樽方形樽o個隻啊??如果係o個隻就可以試試啦 銀同黑鐵色可以用mr,color o既油性油上 滲線就用田宮方形樽o個隻油滲(o個隻好似係琺瑯漆黎架) 用番專用開油水開稀同埋用棉花棒沾小量專用開油水抹出界地方

2007-01-26 04:26:42 補充：
先上銀色 再上黑鐵色 上色由淺至深啊嗎 你隻銀色用幾多號架??我就用8號o個隻銀o既 咁耐都未試過會溶底色喎 可能係因為我用筆油銀色唔鐘意開稀啦 當然噴係最好架啦