月供基金好定月供股票好??

個人雖然兩樣都唔鍾意，但係月供基金係概念上同實際上都遠比月供股票來得合理．
講概念，基金係一種中長線投資，而月供亦係一種中長線既commitment，所以兩者係理論上並無抵觸．但係股票係一種一次性及流動性(liquidity)相當強既投資工具，同中長線commitment既月供形式格格不入．介紹書一定會話月供股票既好處係可以培養良好既投資紀律同埋平均成本．．．其實都係大謬不然．唔係個個月合埋隻眼唔理高低都買就叫良好既投資紀律，良好既投資紀律係要嚴守止賺止蝕．所謂平均成本更加可笑．．．你點解要平均成本？因為你成日係高位入貨．股票波幅咁大，點可以話一個月SET死一日入貨咁笨？
最大問題係股票買賣經紀係要收佣金，無論你係賺定蝕．所以你一年月供十二次，就俾足十二次佣金．而月供股票收取佣金一般比普通買賣高，仲有最低消費，所以剩係支付佣金方面你已經蝕晒章．基金就係一個一個單位咁幫你買，會收你手續費但係唔會太多，而且個佣係同基金表現掛鉤，即係你賺得多先會俾得多．而且基金表現如何定期有report一目了然，股票就要自己成日睇住個市．
所以話月供股票一無是處，根本唔係投資既option.

嚴守止蝕是對，不過要看你買的是什麼股票。
如果係如匯豐一類的股票，多數時間係只會買貴而唔會買錯，
除非佢的基本因素變得好差，只因股價稍為下滑就"止蝕"只會貽笑大方。

但係如果係炒D仙股，如果股價一直下滑，再止蝕也是枉然。

基金的問題都係收費，又要收管理費，又要收表現費~
股票的話，提左實貨後，所有費都唔關你事~

平心而言，基金，股票都是理財的工具，只要達到目的就可以了。
如果因為呢D原因而認為月供股票一無是處的話，那未免有失偏頗了。

月供股票,可選的是本地的股票,如本地的市場氣候不好,咁投資者將承受損失
月供基金,所貫的基金可以是投資本地或是外國的市場,對於面對不同的市場環境有較高的抗跌能力.
就回報而言,基金可把風險控制得較好,對於長榮的資本增長會有較大的效益
在短線而言,則難以比較,因個別股票在短時間的升幅是難以計算,當然相對的跌幅亦較大
可就自已不同的目標,把資金分為兩份,一份做短期 計劃
一份做長期的計劃(如10年以上的)做到可以滿足不同的財務目標

基金同股票都是一種不錯的投資工具，基金也大多數都是投資在股票市場，但是風險較購買單一股票低，當然由專業的基金經理來管理也是一大好處。

本人也是金融界的一份子，如需協助，可與本人聯絡，謝謝！

[email protected]

個人認為月供基金較為穩陣,同樣可以買入股票基金,並且是全球性的.並非單一地區性的.加上月供上有平均成本的作用.祇要年期夠長,基本上是立於不敗之地的.唯一要考慮的就是基金公司的收費高低問題.相反,購買股票是每手計算,每次交易計算.两千蚊好難買到藍籌股,股仔風險極高,考眼光之餘還要加上運氣,又要貼市,一般人好難做到.

I'll suggest fund as it is managed by professional manager and is more diversification. Also, it is not limited by countries.

If your total monthly investment amount is $2,000, I prefer you to invest in one selected fund.