這個他識左好多年,大家一直都係朋友關係
好close,好多野分享
以前我地有kiss過,只係一次,o個時係我岩岩分手,佢有問做我男朋友,但我拒絕
拒絕既原因,係我岩岩分手,受傷害,突然有另一個他同我講埋d咁既野,我真係接受唔到,所以拒絕左佢...
之後我地都係做朋友.......期間佢有事,我真係好擔心佢,我知道佢係知道我好緊張佢
到後尾佢冇事既時候,大家都仲有聯絡,都會出來玩
但漸漸地...大家生活圈子有變化,識既人都有唔同,好似突然同一個人冇左個聯絡咁
一直都係咁,
直到近排,我地又聯絡返. 佢講野畢嬲感覺係玩玩下咁,你估唔到佢邊句真邊句假咁,都慣左呢種感覺 所以當佢講d曖昧野,我唔會話有咩特別唔同,因為知道佢講野係咁樣 最近見面,同對上o個次比都隔左好耐喇 見返佢,初頭感覺都係覺得佢講野玩玩下,所以唔當一回事 直到我地一路行,佢上次話會拖我手,今次真係拖左,一路都唔放咁行 坐低後,佢搭著我膊頭,又從後攬實我不放, 話好想攬住我,同我傾左好多以前既野,同埋佢而家既野,大家一路咁傾 後尾仲錫左我兩次(面),唔係輕輕咁錫,我真係估唔到上次講既野佢呢次係黎真... 我真係唔明白
佢話我同佢比朋友關係再上一層...... 話對住我唔介意呢d野,因為o個個係我 同佢傾呢段其間,睇到佢細路既一面,,,咁多年黎我都未睇過佢呢一面 因為我知道佢係唔會表露自己出來,佢都同我講,佢好少同人講咁多自己野 之後我地行左陣,佢就攬住我,摸我個頭,都好幾分鐘...... 我問佢: 點解你會攬住我 佢冇答,到走既時候佢回返sms俾我,佢話佢唔識點答,驚我覺得惡同介意...... 仲同我講返以前我d野....原來佢係知道,仲話係覺得開心...........
我真係唔明白佢想點 朋友......? 但佢知道我有男朋友,但卻待我這樣? 我亦都覺得同佢之間有種好特別既...同其他朋友不同 但到上次出黎先知你講既野真係做左出黎...... 我唔明白........... 條問題長左d..希望你地唔介意....tks!
心動,都唔係而家了 因為我有男朋友都唔係短時間,佢之前都有女朋友架 就係o個陣時, 大家唔知點解就疏遠左 呢個朋友,因為以前係鍾意佢,直到佢有事之後,驚佢有事,所以聽到佢少少唔妥就好緊張 習慣左呢樣野, 其實你地問我,我可以答你地,我同佢應該冇可能再一齊架啦 因為大家識左太耐,而且經歷好多,知道晒對方,而家唔似o個種感覺 但我唔明白點解o個日會咁樣對我... 明知以前我係鍾意佢,但而家唔係,但又對我攬住唔放 我知道朋友點親都好,仲要係異性朋友,都唔會close得咁緊要
